DD News Mizoram - Chanchinthar | 29 December 2023 | 6:30 PM

HEADLINES:

1) Chief Minister Pu Lalduhoma'n sorkarin Ni 100 chhunga tih tur hrang hrang a duan chu tluang takin tihchhoh zel a ni a ti.

2) Health Minister Pi Lalrinpuii'n Mizoram chhung district hrang hranga damdawiin tihchangtlun a ni dawn tiin Lunglei Civil Hospital chu a bultanna tur a ni dawn tih a sawi.

3) Vawiin hi Kumin chhunga Mizoram sorkar pisa kai tawp ber ni a ni a, sorkar hnathawk tam zawk pisa kai awm mahse Mizoram hmun thenkhatah chuan khar pawh a awm nual.

4) Sports Minister Pu Lalnghinglova Hmar leh Additional Director General National Cadet Corp, NCC North Eastern Region Major General Gagan Deep bakah NCC hotu dangten nimin khan Mizo thalaite tan NCC kaltlanga huap zau zawka hmalak dan tur an sawiho.

5) Art & Culture Minister Pu C Lalsawivunga chuan Vaphai khuaa Primary Agriculture Credit Coperative Society Ltd (PACS) chu tlawhin an hmalakna hrang hrangte a enpui.

6) Environment, Forest and Climate Change Minister, Aizawl East I bialtu nibawk Pu Lalthansanga leh PHE Minister Pu Lalnilawma ten Thuampuia Zonal Tank sakna tur hmun an enfiah.

7) Geology & Mining (G&M) department chuan sorkar kum kal mekah chhiah leh fee hrang hrang an lak atangin cheng vaibelchhe 8 chuang an hmu tawh.

8) Ni 3 awh, rampum huap Chief Secy Conference chu vawiin khan a tiak.

9) Bihar Chief Minister Nitish Kumar chu JD(U) President atan thlan a ni.

10) Supreme Court collegium in sorkarlaipui hnenah High Court Chief Justice atana hlankai tur hming 5 rawtna a thehlut.

11) Sorkarlaipui, Assam sorkar leh ULFA ten vawiin tlai hian New Delh-ah inremna an ziak dawn.

12) Prime Minister Narendra Modi chuan naktuk hian Uttar Pradesh, Ayodhya-ah hmasawnna hnathawh tur leh thawh zawh tawh cheng vbc sing 1 sang 5 hu a hawng dawn.

13) Union Minister Nitin Gadkari chuan Ladakh-a lirthei kawng tih hmasawn nan road project 29, cheng vbc 1170 hu a pe chhuak.

14) Delhi-ah chhum chhah a zin nasat avangin khualzin phur rel 11 chu a hunah a thleng thei lo.