Скачать или смотреть Financoi vrasjen e Albi Bashaliut, ekstradohet nga Britania anëtari i grupit të Laert Haxhiut

Një 49-vjeçar i shpallur në kërkim ndërkombëtar është ekstraduar nga Mbretëria e Bashkuar drejt Shqipërisë, në kuadër të operacionit ndërkombëtar të koduar “The Wanted”.

Bëhet fjalë për shtetasin L. L., alias K. L., alias I. L., 49 vjeç, i lindur në Lushnjë, i cili akuzohet se ka siguruar mjete dhe kushte për kryerjen e një vrasjeje në vitin 2021, në fshatin Gjocaj të Peqinit.

Sipas policisë, ekstradimi u bë i mundur falë bashkëpunimit ndërmjet specialistëve të Interpol Tiranës dhe homologëve në Mbretërinë e Bashkuar.

Nga hetimet dyshohet se 49-vjeçari ka bashkëpunuar me shtetasit L. H., A. T., L. S., E. Xh. dhe B. B., për vrasjen e shtetasit A. B., më 27 dhjetor 2021 në fshatin Gjocaj, Peqin. Ai dyshohet se ka siguruar armët për kryerjen e krimit, si dhe mjetet e transportit për largimin e pjesëtarëve të tjerë të grupit kriminal nga vendi i ngjarjes.

“Ky shtetas ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Elbasan, me vendimin e datës 01.10.2023, i kishte caktuar masën e sigurisë “Arrest në burg”, për veprat penale “Vrasja për gjakmarrje”, “Sigurimi i kushteve dhe mjeteve materiale për të kryer vrasje”, kryer në formën e bashkëpunimit në kuadër të një grupi të strukturuar kriminal, si dhe “Kryerja e veprave penale nga grupi i strukturuar kriminal dhe organizata kriminale”, thuhet në njoftimin e policisë.

Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#lajme #RTSH #news