KLAPA ŠIBENIK - BODULSKA

BODULSKA

More nas od škoja dili i bez nas je pusta vala
Ka' da smo za život cili pobigli sa parangala.
Sad smo ovdi usrid grada ni u kupe ni u špade,
Iza đige sunce pada, gušt svoj gube marinade.
Svi ti dani tako falši na krivu su pošli bandu,
Tek se dikod skupe naši u konobi na bevandu.
I poteče nika pisma i zadrče kala tisna,
Pa se pije sve po jusku, pa se pije po bodulsku.
Pantimo još tepla juga poslin podne, isprid kina
Sad ka' da se s nama ruga, život igra berekina.
Sve to lipo ča se praši briše vrime ka pinelon,
Pripoznat se mogu naši po starinski sa lumbrelom.
Svi ti dani tako falši na krivu su pošli bandu,
Tek se dikod skupe naši u konobi na bevandu.
I poteče nika pisma i zadrče kala tisna,
Pa se pije sve po jusku, pa se pije po bodulsku.