Скачать или смотреть Women's day song by PILLALAMARRY SRINIVASA RAO

చిరునవ్వులు నవ్వుతూ
చిన్నారి పుట్టింది
చిన్నారి ఇంటికే
వెలుగులను తెచ్చింది
నెలవంక ఎదుగుతూ
పున్నమిలా మారినట్లు
చిన్నారియే నారిగా
నవరాగం పలికింది!!

పురుషుని విజయం వెనుక
తానే నిలిచింది
వెన్నుతట్టి నిలిచింది
శ్రమ జీవుల స్వాంతనకు
అమ్మలా చేరింది
మన వెతలను తీర్చింది
ఇంటికి ఇల్లాలుగా కంటికి కనురెప్పలా
సంఘానికి శక్తిగా నిలిచింది మహిళా!!
చిన్నారియే నారిగా
నవరాగం పలికింది
నవ జీవన స్రవంతిలో
చైతన్యం తెచ్చింది!!

వైజ్ఞానిక రంగంలో
సాంకేతిక విప్లవంలో
చతుష్షష్టి కళలలోనూ
తన చతురత చూపింది
అంతరిక్ష కేంద్రం లో
అనురాగపు సంద్రంలో
రణరంగ భూమిలో
తన ముద్రను వేసింది
స్త్రీ అంటే అబల కాదు ఆదిశక్తి అన్నది
మనిషి పుట్టుకకు మూలమై
సృష్టినే నడిపింది
చిన్నారియే నారిగా
నవరాగం పలికింది
నవ జీవన స్రవంతిలో
చైతన్యం తెచ్చింది!!

త్యాగ నిరతి శాంతి గామి
నవ సమాజ నిర్మాత
భోగ భాగ్య వరదాయిని
ఒకే ఒక మూర్తియే
స్త్రీ అనే ఏకాక్షరి
అనేకమై కదిలింది
సంధ్యా దీపపు కాంతిలా
చీకట్లను చీల్చింది
మన బ్రతుకులో
వెలుగులనే నింపింది
చిన్నారియే నారిగా
         నవరాగం పలికింది
నవ జీవన స్రవంతిలో
        చైతన్యం తెచ్చింది!!