Скачать или смотреть شيلة اقلاعية🔥| زواج ابناء عبدالرحمن عسكر الثعلي | كلمات عون الله العضياني | اداء خالد المري (العذب)

كلمات عون الله العضياني
اداء خالد المري ( العذب)



شيلة زواج ابناء عبدالرحمن عسكر الثعلي

….


هبّ ياليلً ضفى بشته ولاجاد بنسيمه
كنّ في راسي ليا سدّل على البيدا ظلامه

صوت اخو عقلا يردد من قصايده العظيمه
ارس ياغرس الجدود وكل هامه فوق هامه

راكب اللي لاوطت سوده على خد الخريمه
وطّت الدنيا رحايلها على كف السلامه

وان سهج له مجرهدّه كن صوته واترنيمه
مخرج الحرف الشجي من حنجرة راغب علامه

مركب ارباب القصيد ومركب ارباب الجريمه
ومركب اللي خاطره مابين ميله واستقامه

شاصً اشهب لا تمثنى سايقه هجره قديمه
شلّع ال بريك في راسه حمامه ياحمامه

ماعلى تمثاله الا قصرن يزبّن غريمه
قصرنا اللي ماينافس فالقصور الا اليمامه

مرحبا ترحيبة الاجلال بضيوف العزيمه
كل ضيف تصافح يمينه وتحفظ له مقامه

يامرور الطيب حرر ضد ابن عسكر قسيمه
لاتجاوز سرعة الاجيال في درب الشهامه

المديح اليا استوى في مثل ابوخالد غنيمه
ماعلى شرواه زود ولاعلى مثلي ملامه

لو تكون المعجزه في خوصة اليمنى الكريمه
جعلها في ذمتي ما انحر جمل .. لنحر غمامه

ياولد من كفكف بشيك الرهى دمع اليتيمه
لين صارت من هموم اليتم تحظى باهتمامه

وان فضى صحن الطواف اللي ماهو صحن الوليمه
في محلّ امثال عسكر مافضى صحن الكرامه

العبو يالاد ثعلي دوب جا للعب قيمه
كل شغمومً يشلّ السيف ويحذف العمامه

يالقضاه اللي تحق الحق بالارياء السليمه
لا انتكس شور الحكيم وصار فالصفّ انقسامه

من بنادقكم يثور العدل في وجه الظليمه
ومن هناديكم يحضر الموت وتقوم القيامه

وان كسب راع الغنايم قول يامال الغنيمه
في نحاكم لايدوّر غير يامال السلامه