Скачать или смотреть Kirtan धन्य माता पिता Appa Maharaj Shamgaokar.. गुरूवर्य आप्पा महराज शामगावकर र्कितन

गोष्‍टीवेल्‍हाळ किर्तनकार नामदेव अप्पा शामगांवकर

एक कीर्तनकार शंभर वक्त्यांना भारी पडतो म्हणतात,नामदेव अप्पा शामगावकर हा विश्वास सार्थ ठरवतात.आज नव्हे,गेली ६५ वर्षे ते आपल्या रांगड्या कीर्तनशैलीने गावंच्या गावं मंत्रमुग्ध करत आहेत…त्यांची भाषा,त्या भाषेत येणारे शब्द,त्या शब्दांना असलेलं सामाजिक-सांस्कृतिक मूल्य पाहता आप्पा हे खऱ्या अर्थाने संस्कृतीचं दुर्मिळ लेणं आहेत…

अभंगांचं निरूपण करताना विनोदाची पेरणी करणं हे त्यांचं महत्त्वाचं वैशिष्ट्यच.त्यांच्या कीर्तनात अशा गोष्टी असतातच आणि त्या रोजच्या संसारातील असतात.अप्पांची अभंग सोडवण्याची हातोटी अशी की,ते जो अभंग सोडवायला घेतील,तो लोकांच्या लक्षातच राहतो,काहींना तर तोंडपाठ होतो.

यावर अप्पा म्हणतात,‘तुमी गणित सोडवता का न्हाय.तसा अभंग सोडवायचा अस्तू.’
विनोद,किस्से,लोककथा हे त्याच्या कीर्तनात असतंच,पण पोवाडाही असतो.ते म्हणतात’मी लै पवाडं रचल्याती.पण शाहीर न्हाय झालो.कीर्तनकार झालो तेच बरं.एका माणसानं याकच काम करावं?एक ना धड भाराभर,चिंद्या हुत्यात न्हाई तर.कीर्तनात पोवाडा म्हणतो,पण नुसता कवा न्हाय म्हणलो