ព្រះបរមកេសធាតុចេតិយ ស្ថិតក្នុងពុទ្ធមណ្ឌលវិបស្សនាធុរ:​ នៅជាប់ជើងភ្នំអដ្ឋរស្ស ឬភ្នំឧដុង្គ​

ស្ថិតក្នុងដែនពុទ្ធមណ្ឌល វិបស្សនាធុរ:​ នៃព្រះរាណាចក្រកម្ពុជា នាកណ្តាលព្រះគង្គាដ៏ថ្លាឈ្វេង ក្នុងរង្វង់ផ្ទៃស្រះយ៉ាងធំមួយ នោះគឺជា ព្រះបរមកេសធាតុចេតិយ ដែលមានពណ៌សុវណ្ណ ចែងចាំងរស្មីពណ្ណរាយ ទៅគ្រប់ទិសទី ព្រមទាំងរំលេចដោយ ក្បូក្បាច់រចនាដ៏ស្រស់ស្អាតយ៉ាងប្រណិត ជាលក្ខណ: រចនាបទខ្មែរពិតៗ គួជាទីគយគន់ពិចពិលរមិលមើលយ៉ាងក្រៃលែង គឺល្អស្អាតអស្ចារ្យ ប្រៀបបានទៅនឹង វេជយន្តប្រាសាទនាឋានតុសិត
ទេវលោក ស័ក្តសមជាទីតាំងបូជនីយដ្ឋាន តម្កល់ ព្របរមកេសធាតុ ព្រះសម្មាសម្ពុទ្ធ បរមគ្រូជាអង្គម្ចាស់នៃយើង​ យ៉ាងត្រដែតត្រដឹម ដែលបានកសាងឡើងក្នុងព.ស២៥៦៦ គ.ស២០២២ លើទីតាំងភូមិសាស្ត្រខាងលិច ជើងភ្នំអដ្ឋរស្ស ឬ ភ្នំឧដុង្គ​ ក្នុងមូលដ្ឋានភូមិភ្នំ ឃុំផ្សាដែក ស្រុកពញាឮ ខេត្តកណ្តាល ។
សូមអញ្ជើញអស់លោក-លោកស្រី អ្នកនាងកញ្ញា ទស្សនានិង ស្វែងយល់ពីទីតាំងតម្កល់ព្រះកេសធាតុនេះ ជាមួយយើងខ្ញុំដោយមេត្រី ។
យើងខ្ញុំសង្ឃឹមថា នឹងបានទទួលនូវការអធ្យាស្រ័យ អភ័យទោសពីសំណាក់ប្រិយមិត្តដោយកំហុសឆ្គងជាអចេតនា​ណាមួយក្នុងការរៀបរៀងឃ្លីបវីដេអូនេះ ព្រមទាំងសង្ឃឹម នឹងទទួលយកនូវគ្រប់មតិរិះគន់ស្ថាបនា របស់អស់លោក-លោកស្រីគ្រប់ពេលវេលា ។ សូមអរគុណ!!