Hansel y Gretel, 4º EP- Contos de Babel - Interplusvalue

O pasado mes de marzo participamos no concurso Contos de Babel, unha iniciativa do proxecto Interplusvalue, un espazo colaborativo ao abeiro do programa Erasmus+, coa participación de socios procedentes de Romanía, Bretaña e España. O obxectivo do concurso era crear unha colección de contos interculturais e multilingües.
A organización vén de informarnos de que a nosa versión de Hansel e Gretel, realizada pola clase de 4º de E.P., foi premiada en dúas categorías diferentes: polo “Uso creativo das palabras do proxecto” e na categoría “Mención do equipo InterplusValue”.
Moitas grazas como sempre ao CFR de Pontevedra, que, a través do noso asesor Luis Rivas sempre nos está a facilitar a participación neste tipo de iniciativas.