Скачать или смотреть ច្រែះ​កើត​ពី​ដែក រមែង​ស៊ី​ដែក |ជន​អគតិ និង ផលកម្ម | តាមន័យ អត្ថានុរូប និង អត្ថប្បដិរូប

ច្រែះ​កើត​ពី​ដែក រមែង​ស៊ី​ដែក |ជន​អគតិ និង ផលកម្ម | តាមន័យ អត្ថានុរូប និង អត្ថប្បដិរូប

Description
ច្រែះ​កើត​ពី​ដែក រមែង​ស៊ី​ដែក
និយមន័យៈ  ជន​អគតិ និង ផលកម្ម ។

អត្ថានុរូប
ច្រែះ កើត​ពី​ដែក រមែង​ស៊ី​ដែក​នោះ​វិញ ។
នេះ​គឺជា​ព្រះ​បន្ទូល​របស់​ព្រះ​បរម​សាស្ត្រាចារ្យ​នៃ​យើង ។
ព្រះពុទ្ធ​វចនៈ​នេះ​មាន​ន័យ​ថា «ដែក» ជា​បច្ច័យ​នាំ​ឲ្យ​កើត «ច្រែះ» ។ កាលណា​ដែក​បង្កើត​បានជា​ច្រែះ​ហើយ ច្រែះ​នោះ​ឯង​ក៏​ស៊ី​កម្ទេច​ដែក​នោះ​ឲ្យ​ពុក​ផុយ​ទាល់តែ​រលាយ​បាត់​រូប​អស់​ទៅ​ដែរ ។

អត្ថប្បដិរូប
បុគ្គល​ដែល​ធ្វើ​នូវ​ទង្វើ​អ្វីមួយ សុទ្ធតែ​មាន «ចិត្ត» នាំ​ឲ្យធ្វើ​ទាំងអស់ ព្រោះ ចិត្ត ជា​ធម្មជាតិ​សម្រាប់​សន្សំ​នូវ​អារម្មណ៍​ឲ្យ​គិត​ធ្វើ​នូវ​ទង្វើ​ដែល​ហៅ​ថា ចេតនាកម្ម ។ ដូច្នេះ ចេតនា ជា​គំនិត​ដែល​នាំ​ចិត្ត​ឲ្យ​នឹកភ្នក​ឲ្យ​ផ្តួចផ្តើម​គិត​ឡើង ។
មួយវិញទៀត ចេតនា ក៏​ជា​តួ ចេតសិក ដែល​ដឹកនាំ​ចិត្ត​ឲ្យធ្វើ​នូវ​កម្ម​អ្វីមួយ​ដែរ ។
ព្រះពុទ្ធ​វចនៈ​នេះ​ពោល​សំដៅ​ដល់​ជន​អគតិ ដែល​មានចិត្ត​អកតញ្ញូ​ចំពោះ​អ្នក​មានគុណ​របស់​ខ្លួន ។ ដូចជា ៖
• បញ្ញើក្អែក​ទំ​លើ​មែក​ស្វាយ ។ វា​តែង​បឺត​ស្រូប​យក​សារធាតុចិញ្ចឹម​ពី​ដើម​ស្វាយ​នោះ​ទាល់តែ​ខ្សោះ ។ លុះ​ស្វាយ​ខ្សោះ​ជីវជាតិ​ហើយ​ក៏​ងាប់​ទៅ ។ ឯ​បញ្ញើក្អែក ក៏​ងាប់​ទៅ​ដែរ ។
ជន​អគតិ​ដូច​បាន​បរិយាយ​មក​ប៉ុណ្ណេះ បញ្ជាក់​ឲ្យ​ឃើញ​ថា បើ​វា​ទៅ​នៅ​ទីណា វា​តែង​បំផ្លាញ​គេ​នៅ​ទីនោះ ដោយសារ​មានចិត្ត​បាប​ជា​អ្នកដឹកនាំ ប្រៀប​បាន​នឹង​ច្រែះ​ដូច្នេះ​ឯង ៕