The Royal Ballet of Cambodia : ឈុតរបាំ រាមសូរ វរឈុន មេខលា និងរបាំមករ

#ពិធីប្រលងយកស្នាតកបត្រ_និងសញ្ញាបត្រសិល្បៈ
#ខ្លះៗអំពីឈុតនេះ

#របាំរាមសូរ
រាំបើកតួ រាមសូរ (ទោល) ជាការរាំបើកបង្ហាញតួអង្គរាមសូរ ដែលជាតួអង្គយក្សមួយក្នុងរឿងរាមសូរមេខលា ដែលខ្មែរបានលើកយករបាំនេះជាមេបទធំ សម្រាប់បួងសួងប្រចាំព្រះនគរ។ តួរាមសូរនេះជាកំពូលយក្សក្នុងតួយក្សល្ខោនព្រះរាជទ្រព្យ នេះក៏ដោយសារការរាំបើកំលាំងខ្លាំង ភ្លេងទៀតសោធក៏ធំសម្បើមទៀត ដែលជាភ្លេងមួយចាត់ចូលក្នុងភ្លេងមេបទពិធីសំពះគ្រូ គឺភ្លេង រោទិ៍ភុបផាត់។

#ពាក្យច្រៀង

ពិណពាទ្យប្រគុំភ្លេង ថ្មើរ ឬស្មឺ
ច្រៀងតាមបទ រាយធួន

១.កាលណោះ
ឯអង្គរាមសូរក្រុងយក្សា។
២.អាស្រ័យនៅស្រទាបមេឃា
ជាទីសុខាត្រេកត្រអាល។
៣.មានពូថៅពេជ្រជាអាវុធ
ចិត្តមុះម្នោម្នាសពាសពេញពាល។
៤.ទាំងឆកាមាជាន់បាតាល
រអាលចាលចេញឬទ្ធិតេជដៃ។
៥.ធំចិត្តអាងឬទ្ធិអាងអំណាច
សិរនាថដូចជារាសីថ្លៃ។
៦.ប្រដាប់អង្គទ្រង់គ្រឿងទិព្វប្រពៃ
ចាប់ពូថៅពេជ្រជ័យហៀវហោះខ្មីយ។

ពិណពាទ្យប្រគុំភ្លេង រោទិ៍ភុមផាត់
ចុះដោយភ្លេង ជើត

#របាំវរឈុន
របាំនេះជារបាំដកស្រង់ចេញពីរឿងមណីមេខលា។ របាំនេះស្ដែងឡើងបង្ហាញឲឃើញពីឬទ្ធីរបស់តួអង្គអរជន៌ ដែលមានព្រះខ័នជាអាវុធ។

គ្រឿងតែងកាយ
របាំនេះជារបាំរាំដោយតួអង្គនាយរោង។ គ្រឿងតែងតួពស្ត្រាប្រកបអង្គអម្ពរពណ៌មាស ទ្រង់មកុដឯ(មកុដស្រួចមានយ៉ាដកពេជ្រ) ហត្ថទ្រង់ព្រះខ័ន។

បច្ចុប្បន្នភាព
របាំនេះឃើញយូរទើបសម្ដែងម្ដងទៅតាមបុណ្យជាតិ សាសនាធំៗ ពិធីបួងសួង ជាពិសេសគេរាំរបាំនេះភ្ជាប់ជាមួយរបាំមេខលាតែម្ដង។

ទំនុកច្រៀងរបាំ វរឈុនទេវបុត្រ
ភ្លេង ស្មឺ បទ អូយ៉ានី ឬស្រីយំចេញចាគ
១. កាលណោះ
ឯព្រះវរឈុនឬទ្ធីក្រៃ ។
២. នឹកឋានទេវបុត្ទេពធីតា
នាំគ្នាមកលេងល្អក្រៃ ។
៣. តែងអង្គទ្រង់គ្រឿងប្រដាប់
ហត្ថចាប់ព្រះខ័នជាញវិជ័យ ។
៤. ចេញចាកវិមានឋានទិព្វក្រៃ
ឆ្ពោះព្ធប្រជុំទេពនិករ ។
ភ្លេង ក្លុំ ភ្លេង ជើត

#របាំមេខលាទ្រង់គ្រឿង_ឬមេខលាឡុងសុង
មេខលាជាទេវីរក្សាដែនសមុទ្រ។ នារដូវវស្សាមេខលាតែចាគពីស្ថានរបស់ខ្លួនទៅរាំលេងជាមួយទេវតានាស្ថានសួគ៌។ បបើកបទមេខលាស្ដែងចេញពីការតែងគ្រឿងរបស់ទ្រង់មុននឹងចេញចាគពីវិមានទៅទីស្ថានប្រជុំពួកទេវា។
និងមានរាំបញ្ចាប់ដោយភ្លេងជើតឈឹងដែលជាភ្លេងស័ក្កសិទ្ធរបស់តួនាង និងកាតអួតមហិឬទ្ធិរបស់នាងមេខលាផងដែរ។

គ្រឿងតែងកាយ
មេខលាមានកែវមណីជាអាវុធ នាងតែងតួដោយ អាវដៃខ្លីពណ៌ទឹកប៊ិក ស្បៃមាស មានខ្លះក៏គ្រងស្បៃប្រាក់ផងដែរ សំពត់ពណ៌ខ្លាញ់ក្ដាម ឬពណ៌ក្រហម (ក្នុងសម័យសង្គមរាស្ត្រនិយម) តែបច្ចុប្បន្នេះតែងជាពាក់អាវដៃវែងពណ៌ទឹកប៊ិកឬខៀវ សំពត់សំឡុងដូចអាវ ស្បៃមាស ។

ចម្រៀងឈុត នាងមេខលាទ្រង់គ្រឿង
ភ្លេង ស្មឺ
បទ រាយធួន
១. កាលអើយកាលណោះ នួននាងមណីមេខលា ។
(ឆោមស្រីមណីមេខលា)
២. និត្យនៅវិមានឋានរតនា សម្រាប់រក្សាសមុទ្រឋាន ។
៣. ធ្លាប់ទៅរាំលេងនិងទេវា សព្វដងសព្វគ្រាពុំដែលខាន ។
៤. លុះដល់រដូវ កំណត់បាន កល្យាណត្រេកអរភ័ក្ដ្រប្រិមប្រិយ។
បទ ឡុងសុងមន(ស្ដេចមនចុះស្រង់)
១. ស្អាងអង្គទ្រង់គ្រឿងល្អថ្លៃថ្លា រចនាភ្លេកភ្លឺរឿងរង្សី ។
២. ព្រះពស្ត្រស្របស្រាច់រំលេចភ្ងី រស្មីខឹមខាត់ត្បូងឆើតឆាយ ។
៣. ស្នាប់ព្រះធរានូវជីពេជ្រ សង្វារក្បាច់លេចសុរងរាជ
៤. កងករសុវណ្ណរំលាចលាយ ព្រះទម្រង់ពេជ្រព្រាយពេញប្រពៃ។
៥. ទ្រង់មកុដក្សត្រីមុន្នីរ័ត្ន ពេនព័ន្ធវិចិត្រកណ្ឌុលថ្លៃអើយ ។
បទ រើរាយធួន
១. កែវក៏កាន់កែវឬទ្ធីក្រៃ ស្រីថ្លៃចរចេញចាកវិមាន ។
ភ្លេង ជើតឈឹង
ភ្លេង ជើត

បច្ចុប្បន្នភាព
របាំនេះយើងមិនសូវជាឃើញមានការសម្ដែងប៉ុន្មានទេ។

#របាំមករ
របាំនេះជារបាំដកស្រង់ចេញពីឈុតមួយនៃល្ខោនរឿងរាមសូរមេខលា ត្រង់វរឈុតមេខលាទៅលេងជាមួយពួកទេវតានាស្ថានសួគ៌ ។ របាំនេះគឺរបាំមួយយ៉ាងល្អឯកជាពិសេសក្បាច់ក្រឡាប្លែកៗជាច្រើនដែរយើងគួរតែចាប់អារម្មណ៍ ។

គ្រឿងតែងកាយ
របាំនេះរាំមានតួនាង តួនាយរោង តែគ្រឿងធំគ្រមកុដឯក(មកុដស្រួច)
របាំនេះមានតួឯកពីរគឺមេខលាគឺតែកាយអាវដៃខ្លីពណ៌ទឹកប៊ិក ស្បៃមាស(យូៗឃើញមានប្រាក់ម្ដង) សំពត់ពណ៌ខ្លាញ់ក្ដាម ឬពណ៌ក្រហម (ក្នុងសម័យសង្គមរាស្ត្រនិយម) តែបច្ចុប្បន្នេះតែងជាពាក់អាវដៃវែងពណ៌ទឹកប៊ិកឬខៀវ សំពត់សំឡុងដូចអាវ ស្បៃមាស ។ ឯអរជន៌(វរឈុន)គ្រងគ្រឿងមាសទាំងអស់។ តួទាំងអស់មានផ្លិតកាន់គ្រប់ដៃលើលេងតែមេខលាមានផ្លិតកាន់តែម្ខាងព្រោះម្ខាងទៀតកានកែវមណី។
បច្ចុប្បន្នភាព
របាំនេះភាគច្រើនឃើញមានលេងតែកាត់ច្រើនវគ្គច្រៀងណាស់នេះក៏ដោយសារកត្តាពេលវេលាផងដែរ

ទំនុកច្រៀងរបាំ ម្ករ
ភ្លេង រួ ច្រៀងបទ របាំម្ករ
១. ទេវេន្ទ្រស្រីសួគ៌ ស៊ីសុវណ្ណ(ស្រីទេវៈ)
តាំងចាប់ផ្លិត រេរាំឆ្វេងស្ដាំ ។
២. ញញឹមប្រិមប្រិយ រកធីតាហើយរាំរាង
ជាម្ករ ដោយវែកជា ។
៣. តាំងកាយក្រាយ រាងរាយរាងបួនជួរ
ហើយសាកសួរ ចរចារដោយស្មោះសរ ។
៤. ទើបរួចញែក បែកគ្នាលេងវិលវង់
វិលទៅមក ឆ្វាត់ឆ្វៀលតាមវាលសួន ។
៥. វរឈុនឆោមឯក មេខលាឃើញ
ទេវតាចាប់របាំ រាំជាគូរ ។
៦. ទំនងល្អល្វាសល្វន់ ឬកនឹមនួន
ហើយនាំគ្នា ដើរមើលពួកទេវា ។
ភ្លេង ចិនរាំផ្លិត