Скачать или смотреть Madrassa.pk Introduction

ہر دور اور وقت کے تقاضوں کے پیش نظر اللہ رب العزت چیدہ چنیدہ لوگوں کے قلوب میں خدمت کا داعیہ القاء کرتے ہیں جو عزم مصمّم، ہمت پیہم اور جذبۂ باہم کو بروے کار لاتے ھوئے خود کو مصروف عمل کرتے رہتے ہیں -
ایسی ہی ایک کاوش مدرسہ پروجیکٹ بھی ہے جو پاکستان میں موجود تمام دینی مکا تب فکر سے منسلک پڑھنے پڑھانے والوں کی ٥ ملین کےلگ بھگ تعداد کو مستفید کرنے کا ارادہ رکھتے ہیں -
اس پروجیکٹ کے تحت تمام مکاتب فکر کے مدارس میں پڑھایا جانے والا کورس انہی کے قابل اور جید اساتذہ کرام کی مدد سے تیار کر کے فی سبیل اللہ افادۂ عام کی غرض سے پیش خدمت کیا جاےگا انشاء اللہ العزیز -

مدرسہ پروجیکٹ طلباء کو کورس کے مشمولات کو سمجھنے میں ان کی مدد کرے گا ، اور ساتھ ہی ازخود سے سیکھنے کا موقع فراہم کرے گا۔ مزید اساتذہ کیلیے اسباق کی تیاری میں معاون و مددگار ہو گا۔ عربی گرائمر اوراصولی مضامین پر خصوصی توجہ رکھتے ہوئے، پاکستان میں بیشتر مدارس کے تعلیمی نصاب کے مطابق معیاری تدریسی مواد تیار کرے گا۔ سی ڈیز اور آن لائن (ویب سائٹ ، سوشل میڈیا ، ویڈیو ہوسٹنگ سائٹس وغیرہ) پر کھلی رسائی اور بغیر کسی قیمت کے تمام لیکچر فراہم کرے گا۔ طریقہ تدریس اور تدریسی مواد کی تیاری جدید تعلیمی تجربات کی روشنی میں ہو گی۔ تدریسی مواد کی فراہمی کے ساتھ ساتھ مدارس بورڈز کے نقطہء نظر کے مطابق امتحانات کی تیاری میں بھی مدد کرے گا۔
بہتر فہم کے لئے اردو زبان میں کورس کا مواد پڑھایا جائے گا۔ زیادہ تر متن اور تکنیکی اصطلاحات عربی میں ہی رہیں گی ، تاہم ، متن کی وضاحت اردو میں ہو گی۔