ПИЦЦА 🍕

Рестораннааҕы пиццалартан уратыта суох пицца рецеба. Бу тиэстэттэн икки пицца тахсар 30см диаметрдаах.

Тиэстэҕэ наада:
•кефир - 450мл;
•мас арыыта - 130 мл;
•саахар - 1 ост.нь;
•туус - 1 ч.нь;
•бурдук - 600-700 гр;
•суода - 1ч.нь.

Начыынкаҕа:
•халбаьыы - 100 гр;
•помидор - 2 уст;
•томатнай паста - 1 ост.нь;
•майонез - 1 ост.нь;
•”Моцарелла» сыыр - 100-150 гр;
•укуруоп.

Бездрожжевой тиэстэни оҥорон саҕалыыбыт. Кефиргэ саахар, туус, мас арыыта кутуллар булкуйа сылдьан сыыйа бурдукпутун кута-кута булкуйабыт. Өйдөөн сода тиэстэҕэ киирбэт. Илиигэ сыстыбат сымнаҕас тиэстэни мэһийэн таһааран остуолга көһөбүт. Бурдук таммалатан тиэстэбитин тэнитэбин, наһаа чараас гыммаппыт. Содабытын ылан тэнитиллибит тиэстэҕэ үрдүтүгэр тэҥнээн таммалатабыт. Тиэстэни конверт гына суулуубут уонна эмиэ тэнитэбин, ол кэннэ бастакы сырыыбыт курдук соданы кутан конверт оҥоһуллар. Үһүс сырыыбытыгар тэнитэн, сода кутан, конверт оҥорон миискэҕэ угабыт уонна полотенценан сабан 30 мүнүүтэ сынньата уурабыт. Бу ньыманан дрожжевой тиэстэ курдук сымнаҕас оҥорууну ситиһэбит.

Тиэстэ сынньанар бириэмэтигэр начыынка бэлэмниибит. Халбаһыыны уонна помидору синньигэс гына быһабыт, сыыр теркаланар. Соуска томатнай паста уонна майонез буккуллар. Бу тиэстэттэн икки пицца тахсар буолан, биирин аҥардаан туора уурабыт. Биирбитин формаҕа ууран илиибитинэн тэнитэбит эбэтэр скалканан да гыныахха сөп. Хайаан даҕаны улахана суох бортик оҥоробут. Формата бэлэм буолла дэлэйдик соуспутун сотобут. Халбаһыыбытын, помидорбутун уурталыыбыт.

Эрдэттэн сылытыллыбыт духуопкаҕа 180 кыраадыска 20-25 мүнүүтэҕэ буһара уурабыт. Бэлэм пиццаны таһаарабыт уонна үрдүгэр теркаламмыт сыыр уонна зелень кутуллар. Уонна өссө 5 мүнүүтэҕэ оһоххо уган ылабыт. Пиццабыт бэлэм буолла.

Минньигэстик аһааҥ!