ابي المسرى يا خط ابو حدرية | كلمات رايد بن هديبان | أداء جفران بن هضبان (حصرياً) | 2024

للتواصل والاستفسارات
الحسابات الرسمية :
https://bio.site/i505

الابيات :

طلع فالسماء نجم وتغيّب معه نجمين
و على الله مطاليع النجوم السماوية

أراقب لها و أحسّب اليوم و اليومين
وأنا في الفلك من قبل ما لي أهمية

أسر يا الليل الساري و أنا ساري هالحين
لي شهور ابي المسرى يا خط أبو حدريّة

تهيّض نسانيس الشتاء في الشتاء روتين
وأنا مرقبي خابره حول النعيرية

على قمته يسلى ضميري مع السالين
تلاقيني ان كثرت في بالي طواريّه

يا هجس الفكر غطرفتك وبخترتك تبين
مثل بنت شيخ تفتخر في عزاويّه

تغنّي ولا كنه صدفنا الزمان الشين
ترى الحاسد يراقب بعينه و أذانيّه

يجي الخاسر اللي ينتصر لا رفع كاسين
يقول انه شيخ و انه حاتم و ابن عليّه

واذا قال قل يا شيخ ياوّي ياوييّن
تريّح من الهرج الكثير و دواديّه

علي الحرام اني لا لديت له بالعين
تروّح عيونه مثل عين النعيمية

طلعنا العلا و عيونه تشوف و تبصر زين
وهو بارد الوجه و بعد بارد حميّة

وردنا الجزل عقب البطى ورد المحيمين
و من نكوي بيبطي و هو منّس الكيّة

يا عايض لو اني منشغل والعذر سمين
ما أشوفه يعذرنيّ والله ماهي بذيّه

يا أبو حزام جعل حزام فالك عساه آمين
يجي جاذبه جدّه راعي السمعة الحية

يا أبو منهج يشهره بين العرب ثنتين
بياض النوايا واليمين الرهاويّة

على شبر أهل الأشبار شبره فرق شبرين
ما قد خيّب الهقوة و يبعد هقاويّه

ضنى لآل مسعود و بهم والله ونعمين
زحول قحطان حاكمة نجد جبرية

هم اللي لهم مجد يحفظونه أميين
كثر ما حكى به في الدواوين قاريّة

لكن عايض ذا الليل عن إذن القحاطين
نعّده خييلي و له عزوة خييليّة

سلامي على لاد الخييلي ليوم الدين
ما دام ان لهم كل يوم وقفة بطولية

مثل فعل إبن علوش ماروا به الأقصين
وعجزوا عن فعوله شيوخ و كبارية

نطح جيش بلحاله وشكره على المارتين
يا كم مقدم من ضربها روح ضحيّة

فعول الخييلات الأشاوس تشوق العين
الأفعال واجد والنواميس يومية