Скачать или смотреть BLESSED WEAKNESS || Daily God's Word || February 3rd

ఆశీర్వదింపబడిన బలహీనత

"నా కృప నీకు చాలును, బలహీనతయందు నా శక్తి పరిపూర్ణమగు చున్నదని ఆయన నాతో చెప్పెను. కాగా క్రీస్తు శక్తి నామీద నిలిచి యుండు నిమిత్తము, విశేషముగా నా బలహీనతలయందే బహు సంతోషముగా అతిశయపడుదును" (2 కొరింథీ. 12:9).

అపొ. పౌలు తన బలహీనతయందే అతిశయించుచున్నాడు, అలాగైనచో ఈ బలహీనత లేక దుర్బలత ఏమైయున్నది? అది ఏదైన ఒక వ్యాధినిగాని లేక శరీర బలహీనతనుగాని సూచించు చున్నదా? లేక అది ఏదైన ఒక ఆత్మీయ బలహీనతను చూపు చున్నదా? లేదు. ఈ రెండిటిని కాదు. ఎందుకనగా, దేవుని శక్తి ఎవరి మీదనైనను నిలుచుటకు ఈ విషయములు కారణములు కానేరవు. అలాగైతే ఇది ఎట్టి బలహీనత? మనము దేవుని చిత్తము మాత్రము చేయుటకు మనలను మనము ప్రతిష్టించుకొనినప్పుడు, కృపద్వారా మనము మన స్వచిత్తము చేయలేనట్టి అసాధారమైన ఆశీర్వదింపబడిన "బలహీనత" ను పొందెదము. ఈ బలహీనత మన స్వంత చిత్తమును నెరవేర్చుటకు మనలను అశక్తులనుగా చేయును; మన స్వచిత్తమును నెరవేర్చుటకు ఇక మనకు బలమేమియు ఉండదు. ఈ బలహీనత మనలను మహిమ నుండి అధిక మహిమకు తీసికొని వెళ్లును - కాబట్టి దీనిని మహిమగల ఒక బలహీనత అని మనం పిలువవచ్చును. "బలహీనతనుబట్టి ఆయన సిలువ వేయబడెను (2 కొరింధీ. 13:4). అనగా క్రీస్తు తన స్వంత చిత్తము చేయుటకు బలహీనుడు అనునదే దీని అర్ధము.

"నా అంతట నేనే ఏమియు చేయలేను" (యోహా. 5:30) అని యేసు చెప్పెను. కొందరైతే తమయొక్క స్వంత చిత్తము చేయుటకు శక్తిమంతులైయున్నారు, ఆయన ఘనులైన అనేకులను పిలువలేదు గనుక దేవునికి కృతజ్ఞతలు! 1 కొరింథీయులకు 1:26 చూడము.

మనలను మనము ప్రతిష్ఠ చేసికొని, మన స్వంత చిత్తము చేయనే చేయమని నిర్ణయము తీసికొనినప్పుడు, మనము పరిపూర్ణమైన దేవుని చిత్తమును చేయదగినట్టి దేవుని కృప మనయొక్క బలహీనమైన శరీరముపై ఒక దైవిక బలముతో దిగివచ్చును.

ప్రియమైన చదువరీ, యేసుప్రభువువారికి, అపొస్తలుడైన పౌలుగారికి మరియు అనేక ఇతర పరిశుద్ధులకు కలిగిన ఈ ఆశీర్వాదకరమైన బలహీనతను నీవును కలిగియున్నావా? ఒకవేళ ఆ విధముగా లేనియెడల దేవునియొక్క బలము నీలో పరిపూర్ణమగుటకును, దేవుని చిత్తము చేయుటకు అవసరమైన కృప నీకనుగ్రహింపబడుటకును నీ యొక్క శేషజీవితమంతయు దేవుని చిత్తము మాత్రమే చేయుటకై నీవెందుకు ఇప్పుడే నిన్ను నీవు ప్రతిష్ఠించుకొనకూడుదు?

"నేనెప్పుడు బలహీనుడనో అప్పుడే బలవంతుడను" (2 కొరింథీ. 12:10). అనగా మనము మన చిత్తము చేయుటకు బలహీనులముగా ఉండునప్పుడు దేవుని చిత్తము చేయుటకు బలవంతులముగా ఉందు మనునదే దీనియొక్క అర్ధము.