Arifə Məmmədova - Şəmkir rayon Şəmkir kənd tam orta məktəbi

"Gənc Müəllim Danışır" rubrikamızın növbəti qonağı Arifə Məmmədovadır.
Arifə Məmmədova Arif qızı 22 noyabr 1996-cı ildə Şəmkir rayonunun Dəllər-Cəyir kəndində anadan olmuş, ilk təhsilini 2002-2013-cü illərdə Şəmkir rayon B. Rüstəmov adına Dəllər-Cəyir kənd tam orta məktəbində almışdır. 2013-cü ildə 490 balla Azərbaycan Dövlət Pedaqoji Universitetinin filologiya fakültəsinə daxil olmuş və 2018-ci ildə bitirmişdir. Müəllimlərin İşə Qəbul imtahanında 52 bal toplayaraq Kürdəmir rayonu Quşlar kənd ümumi orta məktəbində Azərbaycan Dili və Ədəbiyyat müəllimi kimi çalışmış, daha sonra yerdəyişmə nəticəsində Şəmkir rayon Şəmkir kənd tam orta məktəbində çalışmağa başlamışdır.
Hal-hazırda orada direktor-müavini kimi fəaliyyət göstərir. Şəmkir Gənc Müəllimlər birliyinin sədridir, Təhsildə İnkişaf və İnnovasiyalar üzrə V qrant müsabiqəsinin qalibidir. Həyatda ən gözəl hədiyyənin şagird təbəssümü olduğunu düşünür,və bu amal uğurunda daima sevərək öyrətməyə çalışır.