Скачать или смотреть أكبر اعتراف رسمي بتاريخ التغذية

تبون تغيرون جسمكم للابد بدون حرمان وحساب سعرات؟ ناطرينكم داخل
https://wnafm.com

اذا انتوا يديدين على قناتي — حيّاكم الله.
انا وهاب الصالح، مؤسس WNAFM (World-Class Natural Aesthetic Fitness Methodologies).

رسالتي وايد بسيطة: ابي اخلي الخليج أَصحّ منطقة بالعالم من خلال طريقة تدريب تساعد الناس تسترجع وقتها عشان يستثمرون وقتهم بالعيش بدون قيود، بالسفر، بالوناسة مع أهلهم، و الاشياء اللي يحبونها.

انا ما اتكلم عن الرياضة بس — انا اعيشها. المتدربين في WNAFM يتراوحون من الأمهات اللي يبون يردّون يثقون بنفسهم، الى رواد اعمال يحاولون يوازنون بين الصحة والشغل، الى رياضايين ينافسون في اعلى المستويات. مع بعض، بنينا حركة غيّرت حياة المئات من الاشخاص وتستمر على التغيير كل يوم.
شلون بديت…
١٤: بديت رحلتي بالرياضة عن طريق الكاليسثنكس.
١٦: تحوّلت لتدريب الأوزان.
١٨: تعلّقت بالكروسفت وبديت أدرّب ربعي.
٢٠: صرت بطل CrossFit Open بالكويت وخذيت شهادة التدريب.
٢١: كررت الانجاز فالمنافسة وبعدها رحت سان دييغو اتدرّب بأحد افضل النوادي الكروسفت بالعالم.
٢١: شاركت بتأسيس تطبيق دربني اللي يربط المدربين مع المتدربين بالكويت.
٢١: تخرّجت من جامعة كولورادو، بولدر.
٢٢: وقفت المنافسة وكرّست نفسي لبناء WNAFM علشان أساعد الناس انهم يبنون افضل نسخة من نفسهم عن طريق التدريب السهل.
٢٣: خلصت الماستر من جامعة سان دييغو.
٢٤: كبّرت WNAFM وصارت منظّمة فيها اكثر من مدرب وتخدم مئات الرياضيين يومياً.
شسوي الحين…

اسوي محتوى يعلمكم شلون تبنون جسمكم بنمط حياة طبيعي — بدون لف ودوران، بدون حرمان، وبدون وعود كاذبة من عالم الرياضة.
التدريب مع WNAFM مو “الحل سريع”. اهو بناء قوة رياضية على مستوى عالي، صحة تدوم لسنين، وحياة تفتخرون انكم تعيشونها.

لكل واحد يطارد التغيير:
كل عقبة تواجهونها تصير جزء من قصتكم. سواء شي كبير او صغير، هذي الاشياء تقويكم.
خلكم منضبطين. خلكم طماعين للتغير الايجابي. ولا تنسون، جسمكم اهو اصدق انعكاس لقراراتكم.
مدربكم واخوكم،
وهاب الصالح

تنويه
المعلومات اللي اشاركها هني للتعليم بس. النتائج تختلف من شخص لي شخص. دايمًا استشير دكتورك قبل لا تبلش اي برنامج غذائي او تدريبي. ماكو ضمان للنتايج.
Copyright © 2025.