Magtymguly Pyragy - Pygan eglenmez / Turkmen Goshgy / Туркмен гошгы

#magtymguly #gosgular #turkmengosgy
PYGAN EGLENMEZ

Bilbil hüjüm eýlän howaly baglar,
Bilbil senden gider, pygan eglenmez.
Ýagyşly, ýagmyrly, ümürli daglar,
Siller senden gider, duman eglenmez.

Adam ýaradylmyş belentli, pesli,
Akylly-pikirli, dälili-mesli,
Ýigitlik bir göyä baharyn pasly,
Bahar senden gider, zaman eglenmez.

Gelene garşy çyk, bolsa mejalyň,
Ýagşy tutawergil niyetiň-päliň,
Dünyä döwranynda açyk tut eliň,
Döwür senden gider, döwran eglenmez.

Bu dünÿä gowgadyr, bir galmagaldyr,
Kimi ber-hä-berdir, kim al-ha-aldyr,
Ýigitler, bu dünyà şuňa mysaldyr,
Bark urar asmanda, baran eglenmez.

Bir menzildir, üç gün iýip-içeňsoň,
Ornaşyp, giňrenip, biliň açanson,
Üzenniň çekerler dört gün geçenson,
Bäş günden ýokary myhman eglenmez.

Goýnun açar bir gün, ýer seni gizlär,
Gara gumdan dolar bu näzik gözler,
Adyña buýsanma, çemenli düzler,
Çemen senden gider, seýran eglenmez.

Magtymguly, aýdar aryp dostuna,
Kim galar düşmeýen ajal destine,
Pelek bir gün salar yeriň astyna,
Agyz dilden galar, zyban eglenmez.