Скачать или смотреть Volez vous que je vous chant YT

Volez vous que je vous chant - Anonyme

Voulez-vous que je vous chant?
Un son d´amors avenant?
Vilain ne l fist mie,
Ainz le fist un chevalier
Sous l´ombre d´um olivier,
Entre les bras s´amie.

Chemisette avoit de lin
Et blanc peliçon hermin
Et bliaut de soie;
Chauces ot de glaiolai
Et souliers de flors de mai,
Estroitement chauçade.

Ceinturette avoit de feuille
Qui verdist quand li tems meuille
D´or ert boutonade;
L´aumosniere estoit d´amor,
Li pendant furent de flor:
Par amor fu donade.

Elle chevauchoit une mule:
D´argent ert la ferreüre,
La selle ert dorade;
Sur la croupe par derriers
Avoit planté trois rosiers,
Por faire li ombrage.

Si s´en va aval la prée;
Chevaliers l´ont encontrée,
Bel l´ont saluade:
"Belle, dont estes-vous née?
-De France sui la louée,
Da plus haut parage.

Li rossignols est mon pere,
Qui chante sur la ramée,
El plus haut boscage;
La sirene, elle est ma mere,
Qui chante en la mer salée,
El plus haut rivage.

-Belle, bien fussiez-vous née!
Bien estes emparentée,
Et de haut parage.
Pleüst a Dieu notre Pere
Que vous me fussiez donnée
A femme espousade!"