【4K 慢活本地遊】#10 上環舊式香港美食之旅，帶你食盡茶記車仔麵｜麵尊｜瑞記咖啡｜永吉街檸檬王

上集我地就行咗一次上環，參觀咗唔同嘅歷史建築，今日我地就轉移目標，係時候食返啲野！正如上集所講，上環擁有悠久歷史，除咗建築之外，依度嘅野食都好有舊式嘅香港風味，我地今日一於嚟個舊式香港美食之旅啦！

每逢中午就吸引多人排隊的麵尊，開業剛好10年，連發哥都是座上客。小店當初憑著車仔麵和辣醬而出名，但不少網民都推介一定要加腩汁，各有特色。小店用好多唔同嘅碗，其中雞公碗就一定係最有特色，十分懷舊。

他們以熬製最少五小時嘅豬骨湯作湯底，而且設免費加湯服務，夠晒貼心，我地食嘅時候姐姐都周不時過嚟問我地使唔使加湯。它的湯底偏甜，而且超濃，是重口味之人的至愛。而美味齋吸收了濃郁的湯底更是好味到爆炸，是不少食客的熱情推介。

行一陣，去到3點3就可以食返個下午茶。「瑞記咖啡」開業歷史超過60年，早期從大排檔起家，後來搬進上環熟食中心，藏於熟食中心的茶餐廳屬另一種香港特色，值得大家嚟一次架。

樽仔奶茶（$17）以玻璃瓶盛裝港式奶茶後再凍，珍貴之處在於少見、多了裝瓶工序及奶茶能保持濃度，基本上每一枱枱面都有一枝樽裝奶茶。
「蛋牛飽」（$17）同樣係瑞記必嗌嘅食物，長型餐包烘完之後呈現外層略帶酥香，內層夾咗雞蛋加咸牛肉碎同蔥花嘅煎蛋餡，煎蛋十分足料，熱辣辣咁食真係好正。另外都可以試吓依度嘅西多，都係油香十足架！

最後食到咁飽，緊係要買返啲野走啦！40幾年歷史嘅「上環永吉街檸檬王」係以前好多遊客口中嘅超難買香港手信之一，2018年新增旗艦店，自從老板唐伯唔再用木頭車賣檸檬，終於入舖變得更專業更品牌化，成為咗本地手信品牌，甚至將展覽館概念融入係舖頭度。

喺依度嘅必買NO.1一定係甘草檸檬，酸甜可口，一個唔小心就食咗半包，而家換咗包裝有密封帶，真係比以前更方便更衞生。其實佢仲有好多其他嘅產品，我食完就極度推介大家試水蜜桃乾！

#香港國際旅遊 #香港國旅 #香港好去處 #香港景點 #假日好去處 #週末好去處 #香港旅遊 #香港一日遊 #香港好去處 #香港半日遊 #上環 #上環美食 #上環好去處 #香港美食 #美食推介 #瑞記咖啡 #香港茶餐廳 #麵尊 #車仔麵 #檸檬王 #香港手信