Скачать или смотреть Klan News-Rama i dorëzon Begajt ndryshimet në qeveri

Presidenti Bajram Begaj priti në takim Kryeministrin Edi Rama, i cili i paraqiti propozimet për ndryshimet në kabinetin qeveritar. Takimi mes kreut të qeverisë dhe Presidentit u zhvillua në Pallatin e Brigadave, për shkak se Presidenca është në rikonstruksion.
Kryeministri i propozoi Begajt shkarkimin e 7 ministrave, mes tyre edhe Belinda Ballukut, dhe emërimin e ndryshimeve të reja, ku mes tyre janë 4 prurje të reja. Procedura kushtetuese parashikon 7 ditë afat për dekretimin e ministrave. Pas miratimit nga Presidenti pritet që ndryshimet e qeverisë të kalojnë për votim në Parlament.
Rama shkarkoi nga të dyja postet Belinda Ballukun. Në vend të saj, si zëvendëskryeministre u emërua Albana Koçiu, e cila largohet nga drejtimi i Ministrisë së Brendshme. Në krye të këtij dikasteri është vendosur Besfort Lamallari, i cili më herët ka drejtuar Ministrinë e Drejtësisë.
Për pasojë, lëvizjet në kabinet janë shoqëruar me rokada edhe në Ministrinë e Drejtësisë, ku në vend të Lamallarit është emëruar Toni Gogu.
Posti i Ministrit të Shtetit për Marrëdhëniet me Parlamentin i është besuar deputetes së PS-së në Vlorë, Erjona Ismaili.
Ndryshime ka edhe në Ministrinë për Evropën dhe Punët e Jashtme: në vend të Elisa Spiropalit është emëruar Ferit Hoxha, ish-ambasador i Shqipërisë në OKB.
Nga qeveria është larguar edhe Pirro Vengu. Në vend të tij është emëruar Ermal Nufi, i cili ka mbajtur postin e zëvendëssekretarit të përgjithshëm të Kryeministrisë.
Ndërkohë, drejtuesi aktual i OSHEE-së, Enea Karakaçi, do të zëvendësojë Ballukun në postin e ministrit të Infrastrukturës dhe Energjisë.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan