Скачать или смотреть oli_mc - Nimbus EP - 06 Es isch Ziit

Aus: "Nimbus EP" (2007)
Text & Musik: oli_mc
https://goo.gl/F5GX2J

Lyrics:

Das geit a au wo mi bis jetz begleitet hei
Es isch nid einelei, ig weiss es geit elei
Sicher nid, nei, bi euch bini sicher, dir chöit
Sicher si, ig bi jo scho gli däheim
Und es blibt mir es, z’tröime vore wiite Reis
Wenn aus grau schimmeret u wenn ig nüme wiiter weis
Fescht im Gloube bi es würd sich aus vrschlimmere
Isch dr Gloube fescht i mir u öi Härze i mim Innere
Ig erinnere mi, wo mir no si Ching gsi
Im Chindzgi, mir si wäg de Sorge a morge noni
Blind gsi wie hüt – mängisch wet ig zrügg, mängisch
Wet ig aus, mängisch wet ig nüt, mängisch fäuht mir
S’Glück… was mi bedrückt isch so,
Sit si gange si für immer isch e Lücke do
Wenn ig uf Brügge stoh, geit mir viu düre Chopf
Bini im Reihne mit mir? Bini im Reihne mit Gott?
Ig rhyme mit Wort, bruche Härz u Vrstand
Und obwohu nid Sunne schiint, geit’s mir guet momentan
Ig cha nid chlage vrdammt, ig füehu mi wohu i däm Land
S’isch nid aues super, aber wo isch’s das, man?
Ig wirde öuter u d’Lüüt um mi ume fasch meh
Es isch schad, duet chly weh, wenn me sich nüme so gseht
Me redt über Gäud, über Froue u s’Wätter
Jo, ig luege no Simpsons – d’Kollege wärde Vätter
Es isch schreg, mir si doch ersch no i d’Schueu
A viu Parties gange und hüt wet ig mi Ruehu
Lueg früecher isch’s egau gsi ob offe, ob zue
Trink’ ig hüt so viu wie denn, ghei ig bsoffe vom Stueu
Ig bi dankbar für Erfahrige, ig möcht’ si nid misse
Si bringe eim wiiter, si si guet oder vrschisse
Dr Wäg isch no wiit aber jetz stoh’ ig do
Ig freu’ mi uf au das wo no wird cho…


Refrain (4x)
Es isch Ziit für Auts, es isch Ziit für Neus
Es isch Ziit für Besinnig, Ziit für Freud
Es isch Ziit für ’ne Rückblick, Ziit für Entwicklig
Schritt für Schritt geit dr Zeiger vor Ziit


„S’geilschte isch nid Fans z’ha, sondern dass eim öpper zuelost…“