Na Tum Aaye Shab-E-Wa'ada Parehsan Raat Bhar Rakha | نہ تم آئے شبِ وعدہ پریشان رات بھر رکھا |

Na Tum Aaye Shab-E-Wa'ada Parehsan Raat Bhar Rakha | نہ تم آئے شبِ وعدہ پریشان رات بھر رکھا | Qalam by Peer Naseer Ud Din Naseer Golarvi - Sung by the great Ustad Nouman Haider ‪@NumanHaiderofficiall‬

Lyrics

Na Tum Aaye Shab-E-Wa'ada Parehsan Raat Bhar Rakha
Diya Umeed Ka Mein Nay Jala Kar Ta Sahar Rakha

نہ تم آئے شبِ وعدہ پریشان رات بھر رکھا
دِیا امید کا میں نے جلا کر تا سحر رکھا

Wohi Dil Chor Kar Mujh Ko Kisi Ka Ho Gaya Akhir
Jisay Nazon Se Pala Tha, Armanon Se Ghar Rakha

وہی دل چھوڑ کر مجھ کو کسی کا ہو گیا آخر
جسے نازوں سے پالا، جس کو ارمانوں سے گھر رکھا

Jabien Ko Mil Gai Manzil, Mazak-E- Bandagi Ubhara
Janon Main Doob Kar Jis Dam Teri Chokhat Pe Sar Rakha

جبیں کو مل گئی منزل ، مذاقِ بندگی اُبھرا
جنوں میں ڈوب کر جس دم تری چو کھٹ پہ سر رکھا

Kahan Har Aik Tere Dard Ki Khairaat Kay Laiq
Karam Tera Kay Too Ne Mujh Ko Barbad-E-Nazar Rakha

کہاں ہر ایک تیرے درد کی خیرات کےلائق
کرم تیرا کہ تو نے مجھ کو بربادِ نظر رکھا

Gham-E-Dunya-O-Mafiha Ko Rukhsat Kar Diya Mein Ne
Tera Gham Tha Jisay Dil Se Lagaye Umar Bhar Rakha

غمِ دُنیا و مافیھا کو رُخصت کر دیا میں نے
ترا غم تھا جسے دل سے لگائے عُمر بھر رکھا

Suna Tha Khul Gaye Thay Un Kay Ghaisoo Sair-E-Gulshan Main
Saba Tera Bura Ho Too Ne Mujh Ko Bay Khabar Rakha

سنا تھا کھل گئے تھے ان کے گیسو سیرِ گلشن میں
صبا تیرا بُرا ہو تو نے مجھ کو بے خبر رکھا

Ye Us Kay Faisalay Hain Jis Kay Haq Main Jo Bi Kar Dalay
Kisi Ko Dar Diya Apna Kisi Ko Dar Baadar Rakha

یہ اس کے فیصلے ہیں جس کے حق میں جو بھی کر ڈالے
کسی کو در دیا اپنا ، کسی کو در بدر رکھا

Kabhi Guzrain To Shayad Dekh Lon Main Ek Jhalak Un Ki
Isi Umeed Par Madfan Qareeb-E-Rah Guzar Rakha

کبھی گزریں تو شاید دیکھ لوں میں اک جھلک ان کی
اسی امید پر مدفن قریب راہ گزر رکھا

Bhari Mehfil Main Na Haq Raz-E-Ulfat Kar Diya Ifshaan
Muhabbat Ka Bharam To Ne Na Kuch Aye Chasm-E-Tar Rakha

بھری محفل میں ناحق رازِ اُلفت کر دیا افشا
محبت کا بھرم تو نے نہ کچھ اے چشمِ تر رکھا

Jo Khat Ghairon Kay Aye, Us Ne Dekhay Dair Tak Lekin
Mera Khat Hath Main Le Kar Idhar Dekha Udhar Rakha

جو خط غیروں کے آئے ، اس نے دیکھے دیر تک لیکن
مر ا خط ہاتھ میں لے کر ادھر دیکھا اُدھر رکھا

Koi Us Ta'ir-E-Majboor Ki Be Chargi Dekhay
Qafs Main Bi Jisay Sayyad Ne Be Bal-O-Par Rakha

کوئی اس طائرِ مجبور کی بے چارگی دیکھے
قفس میں بھی جسے صیاد نے بے بال و پر رکھا

Ye Mumkin Tha Hum Aa Jatay Khirad Mandon Ki Baton Main
Khusha Qismat Kay Fitrat Nay Humain Aashufta Sar Rakha

یہ ممکن تھا ہم آ جاتے خرد مندوں کی باتوں میں
خوشا قسمت کہ فطرت نے ہمیں آشفتہ سر رکھا

Sar Aankhon Par Jisay Apnay Bithaya Umar Bhar Hum Ne
Usi Zalim Ne Nazron Se Ghira Kar Umar Bhar Rakha

سر آنکھوں پر جسے اپنے بٹھایا عُمر بھر ہم نے
اُسی ظالم نے نظروں سے گرا کر عُمر بھر رکھا

Kahan Ja Kar Bhala Yon Dar Baadar Ki Thokrain Khatay
Naseer Acha Kiya Tum Ne Hamesha Aik Dar Rakha

کہاں جا کر بھلا یوں در بدر کی ٹھوکریں کھاتے
نصیؔر اچھا کیا تم نے ہمیشہ ایک در رکھا

Inayat Hai Ye Mujh Par Aye Naseer Ustad-E-Fitrat Ki
Kay Jo Bi Lafz Rakha Shair Main, Misal-E-Gahar Rakha

عنایت ہے یہ تجھ پر اے نصیؔر اُستادِ فطرت کی
کہ جو بھی لفظ رکھا شعر میں ، مثلِ گہر رکھا