Скачать или смотреть सुक्ख पातैमा कि सुक्खा पातैमा? ।Decoding Phool Ko Aakha Ma। sub•text with Suraj । 2025

सुक्ख पातैमा कि सुक्खा पातैमा?

आनी छोइङ डोल्माले गाएको ‘फूलको आँखामा’ गीत सुन्दा सरल छ तर अर्थ एकदमै गहिरो छ । यति हुँदा पनि यसको एउटा लाइन धेरैले गलत गाउँछन् । कसैले ‘टहटह जून देखूँ’ लाई ‘तहतह’ गाइरहेका हुन्छन् । कसैले ‘जीवन सङ्गीत सुनूँ म’ लाई ‘चुनूँ म’ गाउँछन् । अनि त्यसमध्ये पनि धेरैले बिगार्ने एउटा शब्द हो ‘सुक्खा’ । खासमा हुनुपर्ने ‘जीवन सङ्गीत सुनूँ म सुक्खा पातैमा हो’ तर धेरैले त्यसलाई ‘सुक्ख पातैमा’ गाउँछन् ।

कवि दुर्गालाल श्रेष्ठले लेखेको अनि न्ह्यू बज्राचार्यले सङ्गीत भरेको यो गीतले कुनै कुरालाई हेर्ने दृष्टिकोणबारे विमर्श गरेको छ । गीतको स्थायीमा कवि लेख्छन्— यदि तिमी फूल भएर सोच्छौ भने जे कुरा पनि फूल नै देख्छौ, काँडा भएर सोच्छौ भने काँडा । यसपछि आउँछ— यो दोस्रो अन्तरा, जहाँ कवि गीतको सुरुआतमा भएको भावलाई झनै फैलाउँछन् । त्यसको दोस्रो लाइनमा कविताको गहिराइ छ । सबैले हरियो पातलाई जीवन भन्छन् । सुकेको पातलाई मृत्यु । तर, कवि भने सबैले झरेर सुकेको पातमा केही नदेख्दा आफू भने त्यसैमा जीवनको सङ्गीत सुन्न सकूँ अर्थात् सुनूँ भन्दै लेख्छन्—जीवन सङ्गीत सुनूँ म सुक्खा पातैमा ।

तपाईँले यो लाइनलाई यसरी सुन्नुभएको थियो?

Writing/Performance: Suraj Subedi

Editing: Surakshyan Khanal

शुद्धाशुद्धि हेरिदिने लेनिन बन्जाडे दाइ अनि गीतको यो लाइनबारे प्रज्ञा प्रतिष्ठानमा उभिएर सम्झाइदिने लेखक मित्र सुरेश बडाललाई धन्यवाद ।