Скачать или смотреть Çaylı kəndində tarixi kəhriz quyularının bərpası davam etdirilir

Qazax rayonu Çaylı kəndinin ərazisində 102 il bundan öncə əsası qoyulmuş köhnə kəhriz quyuları yenidən bərpa edilir.

“Qərb Xəbər”ə verdiyi məlumata görə, görülən işlər Çaylı Kənd Bələdiyyəsinin təşəbbüsü əsasında Beynəlxalq Miqrasiya Təşkilatının müvafiq proqramı çərçivəsində Cənubi Koreyanın “Qoyko” şirkətinin maliyyə dəstəyi ilə həyata keçirilir.

Bələdiyyə sədri Müqabil Pirverdiyevin açıqlamasına əsasən, 41 quyuluq kəhriz bir-biri ilə əlaqələndirilmiş şəkildədir: “İşə başlayarkən 2 quyu batmışdı. Həmin batmış quyular yenidən qazılacaq, bütün kəhriz sistemi yenidən qurulacaq, quyulararası ötürücü şəkilərin üzləri “n” şəkilli beton örtüklərlə qapadılacaq. Ətrafları bağlanaraq, üzəri örtüləcək. Bununla da, 120 m3-lik hovuz tikilərək, su paylanılma həmin hovuzdan həyata keçiriləcək. Beləliklə də, hazırda paylanılan su 2 qatına yüksəldiləcək”, - sədr bildirib.

Bununla da, suyun azalmış səviyyəsi artırılaraq kəndlilərin su təminatının yaxşılaşdırılması yönündə addım atılacaq. Bu isə Çaylı kəndinin bəzi məhəllələrində içməli su xəttinin tamamı ilə kəsilməsi problemini aradan qaldıracaq.