Скачать или смотреть LEARN TO MAKE NOISE | PIDGIN ENGLISH MOTIVATIONAL VIDEOS NIGERIA

You need make noise about your hustle. You need showcase yourself, your talents and loud wetin you get so that people go know, and so that you go fit blow the way you want. If by this time of your life, person still dey remind you about this serious thing, then wahala dey o.

We like church well well and we believe GOD - na good thing - but as you dey say "GOD'S TIME IS THE BEST", try understand say before GOD time go come, you get your own time wey you suppose use the best way too. So that thinking wey you get say you wan relax or you wan just dey background, no go work. You say you get faith, but you still dey shame to bring your hustle out, that one no go work too. Even for bible Romans 10:11 remind us say "Anybody wey believe BABA GOD, shame no go near am." So if you really believe, you no go shame to showcase yourself, na now you suppose dey loud your parole, because you know say GOD go direct your noise go your helper ears and showcase you.

Talking about helpers sef, GOD no dey come by HIMSELF come help you. Na people GOD go use, and you no fit get most if these people attention until you bring yourself come out make dem see you. So nothing to shame for. MAKE NOISE ABOUT WETIN YOU GET. LOUD YOUR HUSTLE. E NO GO BE DISTURBANCE FOR PERSON WEY GOD ARRANGE TO HELP YOU. BELIEVE BABA GOD AND BELIEVE YOURSELF.

Speaker: @thekingswoman_

#GOD #grazef6 #motivation #videos #motivationalvideos #inspirationalvideos #inspirational #motivational #dailymotivation #pidgin #pidginenglish #pidginmotivation #9ja #reels