Скачать или смотреть Dünyadakı ən parlaq rəngli canlı: Pollia Condensata

Alimlər dünyanın ən parlaq rəngli canlısını molekulyar səviyyədə araşdırıblar. Pollia Condensata adlı böyürtkən Afrikanın ancaq bir neçə ölkəsində yetişir. Böyürtkən hətta dərildikdən sonra belə uzun müddət parlaqlığını qoruyub saxlayır. Bilirik ki, bütün canlılara rəng verən piqmentlərdir. Piqmentlər bəzi dalğa uzunluqlarını seçərək udurlar. Bizim gördüyümüz rənglər isə piqmentlərin əks etdirdikləri dalğa uzunluqlarıdır .

Kembric Universitetindən Ulrix Ştayner Pollia Condensata böyürtkənini araşdırdıqda istisna vəziyyətlə qarşılaşmışdır. Tədqiqatlar nəticəsində aydın olmuşdur ki, bu bitkidə rəngləri yaradan piqmentlər yoxdur, ancaq göz qamaşdıran parlaqlığa malikdir. Bitkinin rənginin nano ölçüdəki hüceyrə liflərindən qaynaqlandığı məlum olmuşdur. Liflər bir-birinə toxunduqca işıq yayılır. Anatomik rəng adlandırılan bu yaradılış sayəsində meyvənin rəngi kiçik ölçüdə belə çox aydın görünür. Pollia Condensata böyürtkəni 1974-cü ildə Efiopiyada yığılıb qurudulmuş, molekulyar səviyyədə anatomik rəng sayəsində meyvə 40 il ərzində parlaqlığını itirməmişdir. Allah “Fatir” surəsində canlıları fərqli rənglərdə yaratdığını belə bildirir:

“Məgər Allahın göydən yağmur endirdiyini və onunla müxtəlif rəngli meyvələr yetişdirdiyimizi görmürsənmi? Dağlarda da müxtəlif rəngli - ağ, qırmızı və tünd qara cığırlar əmələ gətirdik. İnsanlar, heyvanlar və mal-qara arasında da bu cür müxtəlif rəngli olanları vardır. Allahdan Öz qulları arasında ancaq alimlər qorxarlar. Həqiqətən, Allah Qüdrətlidir, Bağışlayandır.” (Fatir surəsi, 27-28)