صفر الجزيرة 2024 🔥🥇 | منقية بدر بن حمدان بن ضمنه | كلمات مسلط الميموني | اداء خالد ال بريك

جنّبو عن مركز الشيخ وشداده
والأمور اللي لاهلها مردّدها

للعرب مقدم وللمعركه قاده
والغشيم يشوفها ويتهبّدها

ياهل الصفرا لشوط الصفر ساده
وأسم حمران النواظر تسيّدها

وكان عنّا من هل الصفر نشّاده
المزاين ساحته لا يباعدها

جعلنا من عايدينه وعواده
والصياهد كل عامً نعايدها

التحدي والصداره لنا عاده
ومن حضر في شوطنا ماتعوّدها

أن قنع والا ضغطناه بزياده
نكسر ضلوعه ولا عاد يجحدها

ومن يعاندنا يبى يقصر عناده
البلاوي جالها من يركّدها

جاء بدر حمدان يوفي بميعاده
محتزم ورسالة القيض يكّدها

وينه اللي غرّه الزود وأقتاده
نترقّب جيّته ونترّصدها

نلطم الأول وهو تو بمهاده
لا يهدّد صفرنا ويتوعدها

صفرنا ناراً باالأمجاد وقّاده
غرتّه نفسه وقام يتباردها

علّموه إنّا على العدّ ورّاده
وكان في راسه علوماً يورّدها

يمتطي يوم الوعد سابق جياده
ودقلة اليوم الكبير يتقلّدها

يابدر في شوط سيف الملك ناده
قبل أنادي باالاسامي وأحدّدها

باالصباح نصبّحه قبل مهجاده
والضحى صفر الجزيره يشاهدها

كل صفراً مشيها في تسنّاده
ماتعاين للوطى من تسنّدها

فارعً تزهى من النخبه قلاده
باأسم أبن ضمنه للأخصام حاشدها

من طمع باالسيف ماياصل مراده
في يمينً روس الأموال تنفدها

مع بدر حمدان في قبضة زناده
شيخن يسلّ الهنادي ويجردها

لابتي ماهي للاموال عبّاده
خلّ عِبّاد الدراهم توسّدها

دون ماقفنا والارقاب سدّاده
وقفةً في كل نسخه نجددّها

مسلط الميموني