Скачать или смотреть Vüqar Biləcəri & Ceyhun Əliyev - Qərib Xəyal

QƏRİB XƏYAL

Sözləri: Vüqar Biləcəri
Hazırladı: Ceyhun Əliyev


[Birinci bənd]
Mən olmasam da, sənlədir
Xəyalım hər qədəm başı.
Məzarım üstə gəlmədin,
Darıxdı sinəmin daşı.
Sənə əmanət eylədim
Gözümdən hər düşən yaşı.
Nəvaziş ilə davran, o
Yetim qalan uşaqlara.
Apardı bir qərib xəyal
Yaman məni uzaqlara.

[İkinci bənd]
Qəmin yanımda saxlaram
Bir ömür yadigar ola.
O səndən etibarlıdır,
Çətin bi etibar ola.
Sənə heyifdi göz yaşım,
Əlimdə ixtiyar ola.
Sıxıb gözümdə saxlaram,
Dağıtmaram yanaqlara.
Apardı bir qərib xəyal
Yaman məni uzaqlara.

[Nəqarət]
Apardı bir qərib xəyal
Yaman məni uzaqlara.
Yadımda ən şirin qalan
O günlərə, o çağlara.

[Üçüncü bənd]
Əsiri-dami-dərd olun,
Vəfa yolunda mərd olun.
Vüsala can atanların
Bəla kəsər sağın, solun.
İlahi ayrı salmasın
Sevənlərin ömür yolun.
Oturmasın kədər tozu
Gülüş qonan dodaqlara.
Apardı bir qərib xəyal
Yaman məni uzaqlara.

[Körpü]
Güli-behiştə naz edər
Saçından aldığım ətir.
Oxunmamış kitab kimi
Maraqlısan sətir-sətir.
Gülümsə, ruhumun gülü,
Gülüşlərinlə yaz gətir.
Gülüşlərin çiçəkləsin
Bahar gələndə bağlara.
Apardı bir qərib xəyal
Yaman məni uzaqlara.

[Nəqarət]
Apardı bir qərib xəyal
Yaman məni uzaqlara.
Yadımda ən şirin qalan
O günlərə, o çağlara.

[Dördüncü bənd]
Tutar vəfalı yar olan
Əlin vəfalı aşiqin.
Əyilməyən vüqarı var
Düz iddialı aşiqin.
Bu eşq həmin o eşqidir
İki bəlalı aşiqin.
Birin qaçırtdı çöllərə,
Birin çıxartdı dağlara.
Apardı bir qərib xəyal
Yaman məni uzaqlara.

[Nəqarət]
Apardı bir qərib xəyal
Yaman məni uzaqlara.
Yadımda ən şirin qalan
O günlərə, o çağlara.

[Final]
Apardı bir qərib xəyal
Yaman məni uzaqlara.



#meyxana2025 #yenimeyxana #mahnı #taksideolanshair #taksidəolanşair #qəribxəyal #mahnı #azərbaycanmusiqisi #sevgimahnilari #ayrılıqmahnısı #yenimahnılar #populyarmahnılar #azeribassmusic #azerimahnilar #azərimahnılar #vüqarmeyxana #vuqarbileceri