Скачать или смотреть ស្ងៀមស្ងប់ថីនំពេលតាំងនឿយកាយ | លោកគ្រូ ប៊ុត សាវង្ស

- Dhamma Home ✍🏻
━━━━✥◈✥━━━━
៙.ស្ងៀមស្ងប់ថីនំពេលតាំងនឿយកាយ ដោយចិត្តសប្បាយកម្លាំងសទ្ធា
|. ស្ងៀមស្ងប់កោសជ្ជៈពេលមគ្គភាវនា ដោយចិត្តបូជាកម្លាំងវីរិយៈ។
|. ស្ងៀមស្ងប់មាយាពេលរក្សាចិត្ត ដោយចាំបាច់ពិតកម្លាំងសតិ
|. ស្ងៀមស្ងប់សាសព្ទពេលស្ដាប់សុ. ចិ. ដោយសុទិដ្ឋិកម្លាំងសមថៈ។
|. ស្ងៀមស្ងប់កាមាពេលយាត្រាត្រើយ ដោយមិនកន្តើយកម្លាំងនេក្ខម្មៈ
|. ស្ងៀមស្ងប់ អាល័យពេលភ័យវដ្ដៈ ដោយសម្បជញ្ញៈកម្លាំងបញ្ញា។
|. ស្ងៀមស្ងប់មាត់កពេលប្រពន្ធប្រើ ដោយកិច្ចប្រសើរកម្លាំងកាយា
|. ស្ងៀមស្ងប់បាបកម្មពេល អារម្មណ៍ក្លា ដោយគារវតា កម្លាំងហិរិ ។
|. ស្ងៀមស្ងប់ចិត្តកាចពេលប្រាជ្ញដាស់តឿន ដោយមានជំនឿនកម្លាំងឱត្តប្បៈ
|. ស្ងៀមស្ងប់ក្រោធដែរពេលគេមក្ខៈ ដោយដឹងសភាវៈកម្លាំងខន្តី។
|. ស្ងៀមស្ងប់ក្ដីសោកពេលគេបោកបង់ ដោយបានទ្រទ្រង់កម្លាំងចិត្តថ្មី
|. ស្ងៀមស្ងប់ចិត្ត រា ពេលលាភពត្រៃ ដោយទឹកចិត្តថ្លៃកម្លាំងឆន្ទៈ។
|. ស្ងៀមស្ងប់ចិត្តមារពេលគ្រា អន្តរាយ ដោយដឹងឧបាយកម្លាំងញាណៈ
|. ស្ងៀមស្ងប់កង្វល់ពេលយល់សច្ចៈ ដោយសារ អរិយមគ្គកម្លាំងពុទ្ធោ.៕៚
៙. អ្វីដែលសំខាន់ត្រូវកាន់រក្សា អ្វីដែលថ្លៃថ្លាត្រូវការមើលថែ
គេមិន អបអរ យើងក៏យល់ដែរ ហើយយើងត្រូវតែថ្នមថែចិត្តខ្លួន។
ព្យាយាមសាងល្អគុណធម៌ជីវិត ឱ្យខ្លួនឯងពិតដួងចិត្តមាំមួន
មិនបាច់ខ្វល់ទារពីគេផ្ទួន ៗ មិនបាច់គុំកួនស្អប់គេនោះឡើយ។
សត្វលោកលង់ប្រាណចង់បានដូចចិត្ត សាងទោសទុច្ចរិតជីវិតឥតត្រើយ
ចង់បានតាមចិត្តលុះឥតបានហើយ
កើតទុក្ខឥតស្បើយហ្នឹងហើយហៅឆោត។
គុណបុណ្យសន្ធឹកល្ងាចព្រឹកក៏ដោយ ម្ដេចមិនធ្វើឱ្យខ្លួនឯងលានកោដិ
ឱ្យច្រើនពេញលេញចំណេញធម្មស្សោត នៅឆោតទារគេទទេទីពឹង។
មនុស្សឆ្លាតព្រះធម៌គោចរសតិប្បដ្ឋាន អ្វីឱ្យក្សេមក្សាន្តទើបបានរំពឹង
លះបង់ទិដ្ឋិសន្តិសម្លឹង កើតញាណឱ្យដឹងទីពឹងបរមសុខ។
អ្វីមិនចាំបាច់ដាច់ស្រេចត្រូវលះ ដោយបុញ្ញតេជះបានឈ្នះកងទុក្ខ
ឧបនិស្ស័យបុណ្យថ្លៃគ្រប់មុខ មគ្គសុខផលសុខផុតទុក្ខសង្សារ.៕៚

#DhammaHome #ស្ងៀមស្ងប់ #រក្សាចិត្ត #សតិ #វិរិយៈ #សទ្ធា #បញ្ញា #ខន្តី #ហិរិ #ឱត្តប្បៈ #នេក្ខម្មៈ #ឆន្ទៈ #ញាណៈ #សមថៈ #វិបស្សនា #អរិយមគ្គ #មគ្គផល #បរមសុខ #លះបង់ #បុណ្យកុសល #ផុតទុក្ខ