محمد سعيد الناخبي خلع السقيفة

خلع السقيفه ماطعمونا خريفه ... قالوا نصيفه منه لقوها وقيفه
نفسى عفيفه ماتقبل الغش والموقوف
حتى الطوافه اهل الحسد ما بغونا طوف

كم من نويفه في الحمل ماهي كليفه
والنهر يدلح في حوضها من صنيفه
والخيل زاحي مثناته القرع والمنصوف
حتى الطوافه اهل الحسد مابغونا اطوف

لي في الغريفه والخلع طيفه بطيفه
واهل الزراعه كلين شايل عطيفه
قلت اقسمولي من لي معاكم لقو معروف
حتى الطوافه اهل الحسد مابغونا اطوف

حكمة لطيفه حد دوب يجني خريفه
وحـد نصيبه من النخل كربه وليفه
والكل يجني ودعان ماهو كما مردوف
حتى الطوافه اهل الحسد مابغونا اطوف

ماهي نحيفه والنفس ماهي ضعيفه
ياكم عبرنا وديان صعبه حضيفه
حسر العطيفه يشهد وكم من جبل معطوف
حتى الطوافه اهل الحسد مابغونا اطوف