Rasti i zhdukjes së vogëlushes Bleona Mata vijon të mbetet një nga historitë më të rënda dhe më të dhimbshme, ndërsa dëshmi të reja kanë hapur së fundmi një pistë tjetër kërkimesh. Sipas dëshmive të bëra publike, vogëlushja dyshohet se është rrëmbyer dhe se është mbajtur peng për një periudhë tre mujore në zonën e Llakatundit, në Vlorë. Kjo pistë u forcua nga deklarime dhe materiale të reja, të trajtuara ekskluzivisht në emisionin “Pa Gjurmë” në Report TV, me gazetaren Odeta Dume.E ftuar në studio, nëna e Bleonës, Bukurie Veizi, u përball me dëshmi dhe fakte të reja mbi zhdukjen e vajzës së saj. Gjatë rrëfimit, ajo deklaroi se familja që është vënë në qendër të dyshimeve ka pasur konflikt të mëparshëm me familjen Mata.
“Çiftin nga Vlora nuk e njoh. Vetëm prindërit e vajzës i kam takuar në Zapot, ditën kur u zhduk Bleona. Ish-vjehrri im ka pasur konflikt me këtë familje dhe në maj të vitit 2010 i ka denoncuar në polici,” u shpreh Bukurie Veizi.
Në një moment kyç të emisionit, u prezantua fotografia e vajzës së çiftit nga Llakatundi i Vlorës, e cila dyshohej se mund të ishte Bleona Mata. Nëna e pa për herë të parë imazhin, por theksoi se tiparet nuk përputheshin plotësisht, ndonëse dyshimet e saj vijonin të mbeteshin tek e njëjta familje.
“Tiparet nuk përputhen, por dyshimet e mia mbeten tek kjo familje,” deklaroi ajo.
Po ashtu, ekskluzivisht “Pa Gjurmë” solli dëshmitë e gruas dhe të burrit që prej vitesh janë përmendur në këtë pistë hetimi, të cilët folën për herë të parë publikisht për çështjen Bleona Mata. Një tjetër element i rëndësishëm ishte zbardhja e misterit të një vogëlusheje që qante në familjen e çiftit nga Llakatundi. Pas verifikimeve, u konfirmua se ajo fëmijë nuk ishte Bleona Mata, por mbesa e familjes.
Odeta Dume: Për të qenë e sinqertë, pas atij informacioni më kanë mbërritur shumë telefonata dhe e-mail-e nga zona e Picarit. Të gjithë flasin për një histori të tillë, për një fëmijë që ka ardhur në atë fshat. Por unë nuk jam askushi të ngre gishtin ndaj teje apo të të akuzoj. Këtë e bën policia, e verifikon policia. Unë nuk akuzoj askënd.
E akuzuara: Fare. Të më çosh ku të duash, këto që të them sot, t’i them edhe nesër. Vajza që ka qenë në Picar ka qenë vajza e kunatës. Ajo ishte e martuar në Kosovë dhe më pas iku në Greqi. Ka ikur nga mali, si shumë njerëz atëherë, dhe nuk mund ta merrte vajzën me vete. Nuk jemi trafikantë.
Odeta Dume: Pra, për vajzën që qante dhe për të cilën flet fshati, bëhet fjalë për mbesën e vjehrrës tënde që ajo e ka mbajtur?
E akuzuara: Po
Ky fakt bëri që pista e re, sipas së cilës Bleona Mata ishte rrëmbyer nga çifti nga Llakatundi i Vlorës, të bjerë poshtë. Megjithatë, nëna e Bleonës kërkoi që hetimet të vijojnë dhe që autoritetet të verifikojnë çdo detaj.
“Duhet të nxirret fotoja e mbesës dhe policia duhet t’i marrë në pyetje. Kam ende dyshime tek kjo familje. Më ndihmoni të zbuloj të vërtetën për vajzën time,” u shpreh Bukurie Veizi me emocione të forta.
Rasti i Bleona Matës vijon të mbetet i hapur, ndërsa nëna pret që çdo pistë të hetohet deri në fund, me shpresën se e vërteta do të dalë në dritë.
Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Televizioni Report TV është një nga televizionet informative më profesionalë dhe të pavarur në panoramën mediatike shqiptare. Lajmi i fundit, ekskluzive, aktualitet, sociale, ekonomi, kulture, sport, lajme nga vendi rajoni dhe bota.
Për më shumë vizitoni: http://shqiptarja.com/ dhe https://www.report-tv.al/
Subscribe to "Report TV" on YouTube Channel for NEWS and TV Shows HERE: / @reporttvalbania
Follow Report Tv on Facebook: / reporttval
Follow Shqiptarja.com on Facebook: / shqiptarjacom
Follow Report Tv on Instagram: / reporttv.al
Follow Shqiptarja.com on Instagram: / shqiptarjacom
Follow Report Tv on Twitter: / shqiptarjacom
Follow Shqiptarja.com on TikTok: / shqiptarjacom
#ReportTv #ReportTvLajme #pagjurme #odetadume #reportTV
Информация по комментариям в разработке