Скачать или смотреть 張與辰孖周吉佩帶粉絲暢遊大馬 「食辰」發功一日食足五餐！

張與辰孖周吉佩帶粉絲暢遊大馬 「食辰」發功一日食足五餐！

中年好聲音兩位人氣唱將周吉佩同張與辰早前同粉絲暢遊馬來西亞，與辰因工作關係先到埗，佢仲帶領一班辰粉同吉S粉喺機場迎接吉吉，與辰仲相當有心思買咗件拿督衫送畀吉吉，等對方感受大馬熱情嘅風土人情，吉吉落機日子撞正佢嘅生日，粉絲好識做唱住生日歌歡迎吉吉。

第二日吉吉同與辰換上拿督衫，開始旅行團行程，旅程中不停品嚐大馬美食，與辰一向有「食辰」封號，同一般大家認知嘅大馬美食，與辰仲帶隊去美食餐廳探店，其中一間就係與辰胞姊開嘅清真點心餐廳，與辰嘅媽咪、姐姐同姐夫一家，仲有細佬一家全員出動招待團友，場面相當熱鬧。吉吉同與辰兩位唔只好識製造氣氛，仲同團友零距離互動，閒話家常，食飯時仲幫粉絲們添飯。

唔少粉絲嚟到都係為咗欣賞旅程中嘅重頭戲晚宴，吉吉同與辰輪流獻唱，良辰吉日呢對組合亦有唔少合唱環節令大家聽出耳油。與辰嘅屋企人齊撐場，媽咪同家姐除咗好開心見證與辰嘅成就，仲希望佢有機會踏上更大嘅舞台，張媽媽希望兒子圓夢喺紅館開騷，而姐姐仲寄予厚望，希望與辰可以衝出國際，去到荷里活發展，好似同鄉奧斯卡影后楊紫瓊一樣，成為怡保之光。

完成五日嘅行程，粉絲們盡興而歸，吉吉同與辰同樣收穫滿滿，兩人嘅兄弟情升呢之外，吉吉笑言一日食足五餐相當幸福。

#中年好聲音 #張與辰 #周吉佩 #辰粉 #吉S粉 #良辰吉日 #怡保之光 #拿督衫 #一日食足五餐

#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0