ԵՊՀ ուսանողները Ֆրանսիայում կրթություն ստանալուց հետո վերադարձել են համալսարան

ԵՊՀ-ն իր ուսանողներին հնարավորություն է ընձեռում ուսումնառության ընթացքում կրթություն ստանալու աշխարհի առաջատար համալսարաններում՝ նպաստելով միջազգային լայն համագործակցության ամրապնդմանը:

«Էրազմուս+» միջազգային կրեդիտային շարժունության ծրագրի շրջանակում ԵՊՀ եվրոպական լեզուների և հաղորդակցության ֆակուլտետի ուսանողներ Սուսաննա Հարությունյանն ու Ինեսսա Հայրապետյանը կրթություն են ստացել Ֆրանսիայի Պոլ Վալերի Մոնպելյե 3 համալսարանում։

Մեկ կիսամյակի ընթացքում նրանք ստացել են մասնագիտական նոր գիտելիքներ, շփվել լեզվակիր ժողովրդի հետ, ծանոթացել ֆրանսիական մշակույթին։

Վերադառնալով Հայաստան՝ Ինեսսան և Սուսաննան այժմ իրենց կրթությունը շարունակում են ԵՊՀ-ում: Ռեպորտաժում նրանք պատմում են ստացած տպավորությունների ու ձեռքբերումների մասին: