Moran : ৰঙালী বিহুৰ প্ৰথম গৰু বিহু।

আজি ৰাজ্য জুৰি পালন কৰিছে অসমীয়া বাপটি সাহোন ৰঙালী বিহু।মৰাণতো আজি জাতি-ধৰ্ম-বৰ্ণ নিৰ্বিশেষে পালন কৰিছে ৰঙালী বিহুৰ প্ৰথম গৰু বিহু। অসম চৰকাৰে সকলো চৰকাৰী অনুষ্ঠান প্ৰতিষ্ঠান সমূহ  বিহু বন্ধ দিছে যদিও শান্তি সম্প্ৰীতি ৰক্ষা কৰিবলৈ দেশত নিয়োজিত আৰক্ষী বাহিনী লগতে সেনা বাহিনী জোৱানসকলে বিহু বুলি ছুটি নাপায়।পৰিয়ালৰ পৰা আঁতৰি থাকি এওঁলোকে কৰ্তব্য মাজতে কৰ্তব্য স্থানতে পালন কৰে বিহু।এইয়া চৰাইদেউ জিলা মৰাণহাট আৰক্ষী থানাত নিয়োজিত আৰক্ষী জোঁৱান। আপোন পৰিয়ালৰ পৰা বঞ্চিতহৈ থানাতে বিষাদৰ মাজতে এওঁলোকে বিহু পালন কৰে। থানাতে গৰু গা -ধোৱাই বিহু মাৰি পালন কৰিছে ৰঙালী বিহু।আনহাতে মৰাণৰ খোৱাং ডিমৌ দুলীয়াত জাতি-ধৰ্ম-বৰ্ণ নিবিৰ্শেষে পালন কৰে আজি গৰু গা-ধোৱাই গৰু বিহু।এওঁলোকে পুৰুষ মহিলা সকলোৱে বিহু মাৰি কনী যুজাই ৰং ধেমালি কৰে।