Скачать или смотреть Shri Datt Bhikshaling mandir | Kolhapur | 2023 | Narali Pornima

दत्त महाराजांचे गंगास्नान
काशी नगरीच्या बाबतीमध्ये उत्तर भारतात एक म्हण वापरली जाते म्हणजे काशीमें सात दिन और आठ त्योहार म्हणजे आठवड्याचे वार सात जरी असले तरी रोज एखादा ना एखादा उत्सव असतो तसंच काहीसं करवीराच्या बाबतीतही आहे करवीर क्षेत्री रोज कोणाला कोणा देवतेचा काही ना काही उत्सव असतोच परंतु श्रावण महिना म्हटला की या उत्सवाला आणखी उधाण येते. आज श्रावण पौर्णिमेला आझाद चौक येथील भिक्षालिंग मंदिरात दत्तगुरु पंचगंगा स्नानासाठी मिरवणुकीने नदीवर जातात.
कॉमर्स कॉलेज परिसरात असणारे भिक्षालिंग दत्त मंदिर म्हणजे कोल्हापूरकरांच्या श्रद्धेचे ठिकाण.
कोल्हापूर हे जसे देवी क्षेत्र म्हणून विख्यात आहे तसेच दत्त क्षेत्र म्हणून देखिल प्रसिध्द आहे. दत्तगुरूंच्या नित्यक्रमात श्रीक्षेत्र करवीर अर्थात कोल्हापूर हे महाराजांचे भिक्षा स्थान म्हणून प्रसिद्ध आहे. वास्तविक दत्तगुरु म्हणजे साक्षात परब्रम्ह अष्टमहासिद्धी त्यांची नित्य सेवा करतात अशा परिस्थितीमध्ये हातात सुवर्णपात्र घेऊन भिक्षा मागण्याची ही लीला दत्तगुरु का करतात? याचे उत्तर त्यांच्या चरित्रात आहे कोणत्याही प्रकारचे अन्न शिजवताना कंडणी पेषणी मार्जनी चुल्ली आणि उदकुंभी ही पाच प्रकारची पातक होत असतात यांना पंचसुना असे म्हटले जाते, धान्य कांडतावेळी दळतेवेळी ,भांडी घासतेवेळी किंवा धान्य मळतेवेळी अन्न शिजवतेवेळी पाणी भरतेवेळी अशा पाच प्रकारच्या कृतीवेळी जी जीव हिंसा घडते त्या हिंसे शिवाय अन्न शिजवणे कठीण असते परंतु अशा अन्नाला जे पाप लागते त्यातून मुक्त होण्यासाठी यती म्हणजे संन्यासी आणि ब्रह्मचारी या दोघांना तसेच अतिथीला अन्नदान केल्यावरती वैश्वदेव व इतर देवता कृत्य करून अन्नग्रहण केल्यावरती या पापाची निवृत्ती होते. करवीरातल्या जनांना हे पाप लागू नये म्हणून आपले आजोळ असलेल्या या क्षेत्रामध्ये दत्तप्रभू नित्य भिक्षेला येतात. कोल्हापूरचे ग्रामदैवत असणारे भगवान कपिलेश्वर हे दत्तगुरूंचे मामा तर कपिलेश्वरांची आणि अनुसया मातेची माता पिता अर्थात कर्दम आणि देवहुती यांचे स्थान सुद्धा कोल्हापुरात वांगी बोळा मध्ये आहेत. थोडक्यात अनुसया मातेचे माहेर म्हणजे हे करवीर आणि अशा या आजोळ घरामध्ये नित्य वास्तव्य करणाऱ्या जीवांना कोणत्याही प्रकारचे पातक लागू नये म्हणून दत्तगुरु नित्य या क्षेत्री भिक्षेला येतात नगरामध्ये भिक्षा मागून झाल्यानंतर नगराच्या बाहेर असलेल्या जयंती नदीच्या तीराच्या थोडं अलीकडे एकविरा मातेच्या मंदिरामागे दत्तगुरु विसावा घेतात व भिक्षा ग्रहण करतात अशी समजूत आहे. याला गोष्टी देणारे दत्त भिक्षालिंग मंदिर आजही बिंदू चौकाच्या पुढे आझाद चौक परिसरात कॉमर्स कॉलेजच्या शेजारी आहे. जिथे पूर्वाभिमुख एकविरेच्या पाठीमागे आयताकृती गाभाऱ्यात उत्तराभिमुख असे त्रंबकेश्वराप्रमाणेच तीन लिंग असणारे दत्तगुरूंचे भिक्षालिंग आहे. रोज दुपारी माध्यान्ह आरतीच्या वेळेला इथे असंख्य भाविकांची गर्दी असते. दर गुरुवारी व पौर्णिमेला तिथे पालखी सोहळा ही संपन्न होतो दत्त महाराजांच्या शाश्वत अस्तित्वाची प्रचिती आजही तिथे अनेकांना येते .

आषाढ शुद्ध एकादशीनंतर चातुर्मासामुळे दत्त महाराजांचा दर गुरुवारी होणारा पालखी सोहळा बंद असतो. तो विजयादशमी नंतर गुरुद्वादशीनिमित्त सुरू होतो‌.
या नियमाला अपवाद म्हणजे आजची पौर्णिमेची तिथी. श्रावण पौर्णिमेला परम पावन पंचगंगेच्या स्नानासाठी संपूर्ण लवाजम्यासह दत्त महाराज सकाळी पंचगंगेकडे प्रस्थान ठेवतात तिथे रितसर गंगा स्नान करून महाराज मंदिरामध्ये परत येतात. यानंतर महाप्रसाद होऊन आजचा हा सोहळा संपन्न होतो. पश्चिम महाराष्ट्र देवस्थान व्यवस्थापन समिती व समस्त भक्तजनांच्या माध्यमातून हा सुंदर सोहळा अतिशय दिमाखात पार पडतो.
श्री मातृ चरणारविंदस्य दासः प्रसन्न सशक्तिक:
About VAM Photo Studio :

Website:- http://www.vamphotostudio.com/
_________________________________________________________________________________________________
Instagram:-   / vamphotostu.  .
_________________________________________________________________________________________________
Facebook:-   / vamphotostudio  
_________________________________________________________________________________________________
Twitter:-   / vamphotostudio  
_________________________________________________________________________________________________
YouTube:- https://www.youtube.com/channel/UC1Bv...

*****************************************************************************************************
#Kolhapur #Maharashtrianwedding #Vamphotostudio #wedding #bride #love #weddingphotography #weddingday #weddingdress #weddinginspiration #photography #fashion #weddingplanner #makeup #bridal #bridetobe #prewedding #weddingphotographer #groom #weddings #party #engagement #instagood #weddingideas #like #indianwedding #instagram #makeupartist #photooftheday #beautiful #flowers #weddingdecor #bhfyp