BEQA KO DOMONI - Cagi ni Delai Yatova (Official Music Video)

BEQA KO DOMONI - Cagi ni Delai Yatova (Official Music Video)

Composer: Ledua Cakacaka
Recording Studio: Raven Production.
Sound Engineer: Sireli Gumatua.




Lyrics
1.
E vakalidi maravu a delani wasawasa
Sili sevusevu noqu waqa vakalaca
Yanuyanu ko Beqa sa votu mamaca
Isa ira wekaqu dou Bula Vinaka.

2.
Au vaka tulou ki na vei yavu tabu
Kerea a veivosoti ena noqu cavucavu
Kemudou domoni sa tevuki e mataqu
E vuna tu oqo na sesewa ni lomaqu.

3.
Na kena veikoro meu cavuta mada,
Naiseuseu, Naceva, Dakuibeqa era dau mateca,
Soliyaga, Raviravi, Lalati kei Dakuni
Nawaisomo kei Rukua au na bole mate kina.

Chrs:
Beqa ko Domoni mo kila
Au na cibitaki iko voli ga
Au na dau bole mate
E vukumu
Lei Beqa (walega).

4.
Na dela ni vanua e ra tubu drokadroka
Qai karakarawa tu na kena veitoba,
Na kena otela e vakaciriloloma
Saravanua e ra dau domodomona.

5.
Kena i divi na cakau balavu e viviga,
Kilai tu vakaivola ena wasa pasivika
Na vilavilairevo sa roboti vuravura,
Ni gadi mai ka moni mai raica.

6.
Na lewenivanua mata mamarau,
Na veikauwaitaki sa dau nodra i yau,
Na kedra sasalu sa vaka matalau,
Qai kuria na dui roka ni veisenikau.

7.
Ni bera nou siro ki matavura
Au vakaoboobo ki na koro ko Rukua,
Tokatoka, Mataqali au tawa cavuta,
Vuvale na Vitukawalu dou sa bula.

8.
Cavu noqu i kelekele meu lesu tale,
Na drega lei ni Ivi e kamica vuabale,
Me sobuti kemuni a loloma mai cake,
Na salusalu ciri mai natuicake.