Скачать или смотреть Agzalmaýan reallyk: kämillik ýaşyna ýetmedik gyzlaryň göwreliligi, abort gadagançylygy, çaga söwdasy

Azatlyk Radiosynyň Telegram hasabyna ýazylyň https://t.me/azatlykradiosy

Şu günki programmamyzda:

Türkmen häkimiýetleri goňşy Eýrandaky urşy agzaman, bu ýurtdan 200-den gowrak adamyň Türkmenistana geçendigini habar berdi. Şeýle-de, Azatlygyň habarçylarynyň tassykalamagyna görä, Ahal welaýatynyň Kaka etrabyndaky ‘Artyk’ gözegçilik-geçiş nokadyndan eýýäm ençeme gün bäri garaşyp duran ýük ulaglarynyň çäkli sany goýberilip başlandy.

Lebap welaýatynda kämillik ýaşyna ýetmedik gyzlaryň göwreli bolmagy we çaga dogurmagy bilen bagly ýagdaýlar köpelýär diýip sebitiň saglyk edaralarynyň birnäçe işgäri habar berdi. Şeýle-de, çeşmelere görä, munuň bilen baglylykda ýaňy bolan çagalaryň söwdasyna degişli hadysalar ýüze çykýar.

Türkmenistan ýokary bilimli hünärmenleriň barha ýitileşýän ýetmezçiligi bilen ýüzbe-ýüz bolýar diýip, Aşgabatdaky çeşme habar berýär. Şu aralykda, Türkmenistanyň daşary ýurtlarda okan we türkmen ÝOJ-laryndaka garanda has gowy bilim alan, dünýägaraýşy has giň hasaplanýan ýaşlary hem ýurtdan daşlaşdyryp, ‘beýni göçüni’ has güýçlendirýändigi öňe sürülýär.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar