Скачать или смотреть 16. Улаан тэнгисээс цааш. " Дуулал 49-50"

Христэд итгэгч хүний амьдрал авралыг бэлэг болгон хүлээж авсан тэрхүү гайхамшигтай мөчийн дараанаас гэнэтхэн л бүх зүйлс нь сайхан болчихдоггүй.

Өмнө тохиолддог байсан асуудлууд үргэлжлүүлэн төвөг болсоор, өвчин зовлон, дутагдал гачигдал байсаар, ойлгож мэдэх хэрэгтэй зүйлс байсаар л байдаг.

Яг л улаан тэнгисийн цаад эрэгт гараад их цөлийг туулж, амласан газар хүрэх замд Израилчуудын өмнө тулгарсан бүхий л асуудлууд өнөөдөр ч бидний өмнө байсаар л байдаг.

Харин Бурхан энэ цөлийг хэрхэн даван туулах газрын зургийг өгсөн. Тэр газрын зураг бол библи. Өдөр тутам уншиж байж, Бурханы үгийг сонсож байж л бид өнөөдөр өөр өөрийнхөө амьдралын өмнө буй их цөлийг гатлан туулж чадах юм.

Христэд итгэгч хүний амьдралд байх хамгийн чухал хамгийн үнэ цэнэтэй зуршил бол өдөр тутмын библи судлал юм.

"Улаан тэнгисээс цааш" хэмээх энэхүү аудио библи судлал нь хэрхэн амьдралд тохиолдож буй хүнд хэцүү асуудлуудаа Бурханы хүслийн дагуу даван туулах вэ? Хэрхэн өмнө минь байгаа олон сонголтуудаас зөвийг нь таньж сонгох вэ? Хэрхэн бодож буй бодол, хийж буй үйлдлийнхээ зөв бурууг мэдэх вэ? гэсэн асуултуудад библи хэрхэн хариулсныг хуваалцах зорилготой.

Өдөр бүр бид Бурханы үгийг шийдвэр сонголтондоо хэрэглэж сурвал бид Бурхантай улам ойр байж, бидний амьдрал ч зөв замаар урагшилж, Түүний өгдөг амар тайван, хайр, хамгаалалт, ивээл ерөөлийг таньж мэдэж, хүлээн авч чадна.

Христэд итгэгч бүх хүн тэрхүү итгэлийн замыг зоригтой, хүчтэй, ухаалаг, итгэл дүүрэн туулж, замд учрах ёстой бүхнийг хамтдаа давж, Бурханы амласан нутагт хүрэх болтугай.

"Улаан тэнгисээс цааш" аудио библи судлалын хөтөлбөр.

Алхам алхмаар илгээлтийн баг

Хөтлөгч: Dulguun Deborah
Библи уншсан: Батцэцэг
Ариун бичээс нийгэмлэг. 2023
Магтаал: Хүн - А. Намуу
Composed by Namuu Angar
Music arrange by B.Odbayar
Guitar by G. Bayarbileg
Миний аврал Танаас ирдэг - цомог
Эх сурвалж:
   • Хүн- Магтан дуу, А. Намуу