#BirBax #Azerbaycan #qaraciyər
Qaraciyər yağlanmasının əlamətləri
Qaraciyər haqqında çox danışmışam, bilirəm. Və yenə də bu vacib orqanımızla bağlı vacib və maraqlı məlumatları sizinlə bölüşmək niyyətindəyəm. Əminəm ki bu araşdırmamız, sizin üçün çox yararlı olacaq. Siz də şərh bölməsində videolarımızla bağlı fikirlərinizi yazın, bu, bizim üçün çox önəmlidir.
İlk olaraq, qaraciyər yağlanmasının əlamətlərindən bəhs edəcəyəm.
Qaraciyər yağlanmasının əlamətləri bunlardır:
İlk əlamət odur ki, özünü heç bir simptomla biruzə vermir. Təbii ki, bunu əlamət saymamaq da olar. Amma bilməlisiniz ki, insanların çoxunda qaraciyər yağlanması var. “Maşallah, toppuş uşaqdır!” dediyimiz uşaqlar var ha, baxın, həmin o kök uşaqların 30%-də qaraciyər yağlanması müşahidə edilir. Orta yaşa çatmış və ya orta yaşı keçmiş insanlarda isə bu göstərici 40%-dir. Sadəcə, əksəriyyəti bunun heç fərqində də deyildir. Çünki heç bir simptomla üzləşmirlər.
Qarın nahiyəsinin müəyyən, qabarıq formada olması. Özünüzdə bu problemin olub-olmadığını ilk baxışdan bilmək şansınız var. Yuxarıdan aşağıya doğru baxın. Göbək nahiyəniz anormal bir şəkildə irəli çıxıbsa, qaraciyər yağlanmasından şübhələnməyə dəyər.
Bundan sonrakı etap da çox önəmlidir. Ona görə də, diqqətli olun və dediklərimi bircə-bircə yaddaşınıza yazın. Xatırlatmaq istəyirəm ki, qaraciyərimiz başdan-başa özünü yeniləyə bilən yeganə daxili orqanımızdır. Onu azacıq dəstəkləsək, qayğısına qalsaq özünü gəncləşdirmək yolunda uğurla irəliləyər. Digər orqanlarımız-pankreas, böyrəklər, ağciyərlər heç vaxt 100% sağalmaz. Özünü bərpa edən, yeniləyən orqanımızın bunları etmək üçün şansı həmişə olmur. Bəzən elə bir formada xəsarət alır ki, tamamilə gücdən düşür. Normalda bir yağ hüceyrəniz var və qısa müddət ərzində həddindən artıq yemək yesəniz, yaxud qeyri-düzgün qidalansanız, yağ hüceyrəniz genişləməyə başlayar. Bilməlisiniz ki, yağ hüceyrənizin genişləməsi sərhədsiz deyil. Yəni müəyyən bir həcmə çatanda dayanır. Bundan sonra onu genişləməyə məcbur etdikcə, zədələnməsi labüddür. Başqa sözlə, malik olduğu qan dövranını itirir, iltihablanır, hüceyrələrin ətrafında fibroz və ya xəsarətli toxumalar yaranır. Bunların hamısı baş verirsə, demək, yağ hüceyrəsi yağ depolama qabiliyyətini itirmişdir.
Bəs, yağlar haraya gedir? Həyat tərzinizi dəyişməsəniz, bu yağlar hüceyrələrdən kənara çıxar və ektopik yağ yığılması olar. Yağ hüceyrəsinin kənarında, yəni əzələdə yığılan yağlar “ektopik yağ” adlanır. Misal üçün; pankreas hüceyrələrinin ətrafında, böyrəklərin ətrafında, ürək hüceyrələrinin ətrafında yığılır.
Bəli, orqanizmin artıq yağları “yığdığı” yerlər orqanların ətrafları və qarın boşluğudur, ayrı yeri yoxdur. Ektopik yağın 4-6 litrini yerləşdirməyi qarın boşluğu öz üzərinə götürür. Və bu, prosesin, sadəcə, başlanğıcıdır. Beləcə, irəli çıxan, genişləyən qarın get-gedə nəzərəçarpacaq qədər böyüyür. Bu zaman qaraciyərdəki yağların əksəriyyətinin də ektopik yağ olduğunu unutmayın…
Təbii ki, bu cür-hüceyrənin kənarında yığılan yağlar sağlam yağlar deyil. Məhz ektopik yağlar sayəsində insulin müqaviməti yaranır.
Qaraciyərdəki ektopik yağın qaynağı bunlardır:
Ektopik yağın 59%-i qaraciyərə kənardan-orqanizmin başqa nayihələrindən gəlir. Burda qeyd etməliyəm ki, orqanizmdəki mövcud yağın 60%-inə, onsuz da, qaraciyər ev sahibliyi edir. Bəs, bu, necə olur? Bayaq da qeyd etdiyim kimi, yağ hüceyrələri xəsarət alır və artıq yağları daxilində saxlaya bilmir. Bu səbəbdən də, yağlar parçalanmağa, qan dövranına sızmağa başlayır. Çatacağı mənzil başı isə qaraciyərdir. Qaraciyərdəki yağın çoxu-təxminən, 59%-i orqanizmin başqa-başqa yerlərindən gəlir. 26%-i isə qaraciyərdə istehsal edilir; xammalı qlükozadır. Bundan başqa, qaraciyərin şəkər istehsal etmək qabiliyyəti də var. Bəli, orqanizminizdə elə şəkər var ki, mənbəyi qida deyil. Qaraciyər karbohidrat olmayan xammaldan da şəkər əmələ gətirə bilir. Qaraciyərin artıq miqdarda şəkər və yağ istehsal etməsinə nəzarət edən faktor insulindir. Yəni insulin icazə verməməlidir ki, qaraciyər istehsalat normasını aşsın. Amma istifadə edilməyən yağlar və insulin müqaviməti hüceyrələrin daxilində insulin çatışmazlığı yaradır. Nəticədə, qaraciyərdə nəzarətdən çıxmış qlüten müşahidə edilir. Nəzarət, nizam olmayan yerdə xaos mütləqdir-bu, kainatın dəyişməz qanunudur. Qaraciyərdə də kainatın qanunu qüvvəyə minir- orqanımız başlayır normadan artıq şəkər istehsal etməyə…
#kökəlmə #qarın #sağlamlıq #mədə #mədəaltıvəz #ağciyər #ciyər #keşfet #trend
Информация по комментариям в разработке