Скачать или смотреть “Vendi në fazë kritike”, Berisha: Rama aventurier i korruptuar, ta hedhim në koshin e plehrave

Lideri demokrat Sali Berisha sot në 2 mars, mbajti Foltoren e radhës të Partisë Demokratike, përpara Kryeministrisë.

Berisha u shpreh se Shqipëria është në fazë kritike. Ai tha se Rama ka bërë një deklaratë antishqiptare, kur është shprehur se “korrupsioni do të mbrohet e nuk do luftohet”. Berisha theksoi se duhet t’i jepet përgjigja që meriton kësaj qeverie, që e quajti “bandë”.

“Vendi po hyn në një fazë kritike, si asnjëherë më parë. Rama deklaroi publikisht se korrupsioni do të mbrohet dhe se nuk do të luftohet. Me këtë ai iu tha shqiptarëve se asgjë nuk e pengon, që të vazhdojë të vjedhë. Kurrë nuk kishte ndodhur që një drejtues shteti të bëjë një deklaratë të tillë. Eurodeputetët e djathtë thanë se shteti ligjor është kushti mbi kushte për Shqipërinë. Një politikan ka thënë një frazë, që është bërë virale. Ai shprehet se korrupsioni nuk është i keq, kur e bëj unë. Një bloger i famshëm shprehet se Rama është kampion i korrupsionit. Ky bloger thotë se Edi Rama është brandi ndërkombëtar i korrupsionit. PD është shpresa e vetme e shqiptarëve. Rama mbron të korruptuarit e tij. As Kushtetuta më staliniste e planetit, më 1974 e Shqipërisë nuk kishte një ndalim të tillë. Është kohë kritike dhe vetëm ne shqiptarët mund t’i japim përgjigjen që meriton kësaj bande. Rama është skllav i atyre që vjedhin. Edi Rama nuk ka takuar asnjëherë ata ministra që ka emëruar, por ata janë emra, që janë sugjeruar për të qenë aty”, tha Berisha.

Berisha shtoi se Rama bashkë me Vuçiç ka thënë se nuk ka nevojë për anëtarësim në BE. Sipas tij, Rama nuk plotëson standardet që kërkon Bashkimi Europian.

“Rama bashkë me Vuçiç thonë se nuk ka nevojë për anëtarësim në BE. Vetëm një tradhtar mund të marrë përsipër të shprehet në këtë mënyrë. Integrimi europian ka disa dimensione, por dy janë dimensionet, më të lidhura ngushtë me qytetarët. Janë dimensioni i Kopenhagenit, që do të thotë se qytetari ka të drejtat e tij, ku përfshihet drejtësia, vota etj. Tërhiqet nga ato që quhen arritje të komunitetit, dhe një nga ato që kërkohet është mirëqenia. Europën e dallon mirëqenia nga pjesa tjetër e botës. Kjo qeveri nuk plotëson standardet që kërkon BE-ja. Ky vjedh qytetarët dhe shkatërron ëndrrën më të bukur të kombit shqiptar, ëndrrën europiane. Bashkimi Europian ka ardhur këtu dhe ka kërkuar që shteti ligjor të funksionojë. Rama duhet të hidhet në koshin e plehrave, se është një aventurier, që nuk ka asgjë shqiptare në qenien e tij. Ftoj shqiptarët, që kur të mbahet Këshilli i Mandateve për Ballukun, të jenë në protestë tek parlamenti”, deklaroi Berisha.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan