Скачать или смотреть திருப்பூரில் சர்வதேச பேரிடர் அபாயக்குறைப்பு தினத்தை முன்னிட்டு தீயணைப்பு மற்றும் மீட்பு துறையின்...

திருப்பூரில் சர்வதேச பேரிடர் அபாயக்குறைப்பு தினத்தை முன்னிட்டு தீயணைப்பு மற்றும் மீட்பு துறையின் சார்பில் மழைக்கால பேரிடர் ஒத்திகை நிகழ்ச்சி மாவட்ட ஆட்சியர் தலைமையில் மாவட்ட ஆட்சியர் அலுவலகத்தில் நடைபெற்றது!!

சர்வதேச பேரிடர் அபாய குறைப்பு தினத்தை முன்னிட்டு திருப்பூர் மாவட்டத்தில் தீயணைப்பு துறை சார்பில் பருவமழை பேரிடர் கால ஒத்திகை நிகழ்ச்சி, திருப்பூர் மாவட்ட ஆட்சியர் அலுவலகத்தில் நடைபெற்றது. இதனை மாவட்ட ஆட்சித் தலைவர் மனீஷ் நாரனவரே துவக்கி வைத்தார்.தொடர்ந்து தீயணைப்பு மற்றும் மீட்புத்துறை அலுவலர் அண்ணாதுரை தலைமையில் திருப்பூர் வடக்கு மற்றும் தெற்கு தீயணைப்பு நிலைய வீரர்கள் ஒத்திகை நிகழ்ச்சியில் ஈடுபட்டனர். அப்போது மழைக்காலத்தில் வெள்ளம் சூழ்ந்தால் வீடுகளில் உள்ள பிளாஸ்டிக் குடங்கள், பிளாஸ்டிக் பாட்டில்கள் போன்ற பொருட்களை பயன்படுத்தி எவ்வாறு தப்பிப்பது என்பது குறித்து விளக்கம் அளித்து காண்பித்தனர். மேலும் நீரில் மூழ்கியவரை எவ்வாறு காப்பாற்ற வேண்டும், விபத்து நேரங்களில் எவ்வாறு பொதுமக்கள் செயல்பட வேண்டும்.வீடுகளில் பயன்படுத்தப்படும் சமையல் எரிவாயு தீ பிடித்தால் எவ்வாறு செயல்பட வேண்டும்.பேரிடர் சமயங்களில் ஈரமான கட்டிடத்திலிருந்து பாதிக்கப்பட்டவர்களை எவ்வாறு மீட்பது
என்பது குறித்தும் விளக்கம் அளித்தனர். இதில் உதவி அலுவலர்கள் இளஞ்செழியன், வீரராஜ் மற்றும் நிலை அலுவலர் மோகன் உள்பட பலர் கலந்து கொண்டனர்.