飛鵝山2圈｜左右髀｜九龍踩斜｜一次過睇4條路｜沙田坳道｜札山道｜飛鵝山道｜觀坪路｜九龍全景｜豆腐石秘境｜極速番屋企｜Colnago C series｜コルナゴ｜激坂｜輕鬆心情踩車｜

今日諗住去飛鵝山踩下車，計下計下，都有成年冇去過呢個地方啦，以前踩飛鵝山，多數兜埋去西貢，布袋澳呀，大坳門，然後沿番西貢公路出番西貢市中心，再沿西沙番屋企。

而家星期六都少左踩車，多數留番星期日踩，所以就用唔到西沙番沙田，亦都一排冇再去飛鵝山啦。

今日，我自己一個人踩車。上個星期踩完港島，覺得recover 得唔錯。但又未去到完全輕鬆既感覺喎，所以今次踩飛鵝山既路線，都係諗住慢慢踩。除左出九龍果一段，由上沙田坳道開始都相對少車，反而朝早晨運同行山既人仲要多，所以可以輕鬆心情，慢慢踩上去。咁今日計劃既路線呢，就係雙鵝，先由沙田坳道上斜，去到札山道停車場，沿札山道落番德望小學，再由飛鵝山道上飛鵝山觀景台，最後由觀坪路番落沙田。所以基本上唔洗急，又唔怕拉龍既。

飛鵝山呢條路，話近又得，話遠又得，話辛苦又得，話舒服都得既一條路。首先今日經大埔道出九龍，係九龍塘出口，經歌和老街去窩打老道，再由聯合道去黃大仙方向。利用單車由沙田去慈雲山，路其實唔係好順，因為竹園道同鳳舞街 兩條天橋都唔比單車行既，所以竹園道直上就已經唔洗諗啦，於是乎我就係鳳舞街尾，摩士公園旁，用行人天橋跨過龍翔道。如果唔係，就要行蒲崗村道，兜一個大圈先至去到往飛鵝山既左肶入口 — 法藏寺啦。所以，話去飛鵝山遠，一D都唔過份。

但係，如果好似我一陣咁，由觀坪路番沙田，其實唔洗半個鐘就可以番到屋企嫁啦。咁你話係咪好近呢？

如果話辛苦，慈雲山沙田坳道上到法藏寺，可能都冇乜人夠膽講唔難踩，剩係由慈雲山山腳開始，上到札山道停車場，其實都好滿足嫁啦。但如果由飛鵝山道上飛鵝山觀景台，沿途樹蔭夾住葉縫滲透出黎既陽光，無論感覺，同視覺都係一大享受，而且飛鵝山道上山，比較輕鬆少少既。呢個旅程應該可以帶到比大家唔同既感覺啦。


好啦，話咁快就已經出到黎九龍啦，轉兩三個彎，就黎到摩士公園旁既行人天橋。

唔講咁多啦，繼續去今日要去既地方先。又轉兩三個彎，就黎到沙田坳道啦。我踩車既呢個時間，車就唔算多，可以有足夠既時間同空間慢慢搖上去，你睇下，無論向上望，定係向下望，都一樣係咁震憾。再望埋側邊，都不得不佩服起欄杆同建築物既人，可以計算得到呢種既角度。而成座法藏寺都係係呢個斜度既路面興建，睇落差唔多有成40度咁，真係厲害呀。

繼續沿路一直踩一直踩，就會經過一個位，岩岩可以放到一架單車，同埋睇下風景既。再繼續向前踩多一陣，咁就到左札山道停車場啦，睇一陣風景，就沿札山落山啦。

落到德望小學，轉番落清水灣道，又再次爬坡啦。今次要去既地方，就係飛鵝山道。呢條路，初段係豪宅區，然後就會入到一段林道，非常之靚。

當踩頭頂已經冇樹，咁就已經係踩左飛鵝山道既一半啦，繼續努力。

好快就到左飛鵝山觀景台，呢度好熱鬧，好多人，好嘈，地下仲有好多垃圾。 我停留左一陣，就離開啦。番番去札山道停車場先，再去番觀坪路既入口。不過，由札山道停車場到觀坪路係逆線，唯有行幾步啦⋯⋯

黎到呢度，就開始落山啦，呢段路除左出名斜之外，中間都有一個好靚既位。等我拿拿聲落去影番張相先。

就係豆腐石呢度啦。

欣賞左一陣風景，就落埋最後少少斜。番到黎沙田，今日時間尚早，唔洗買飯番屋企，咁就直接番去睇下Yuui講咩啦。


鐘意我頻道既片既話，記得訂閱埋啦！ 謝謝～
Strava: https://strava.app.link/h5OTCmB7Iub
MeWe: https://mewe.com/join/roadbike
Instagram: kazenotomodachi

#4Kの映像
#CINEMATIC
#飛鵝山
#觀坪路
#沙田坳道
#札山道
#九龍全景
#踩單車
#自転車がある風景
#cycling
#roadbike
#cyclingvideo
#cyclingvlog
#gopro
#iphone11
#canoncamera
#香港公路車
#香港單車路線
#YouTube初心者
#自転車初心者
#風の友達
#公路單車
#單車徑
#單車路線
#colnago
#colnagoc60
#campagnolo
#dedaelementi
#可樂果
#影相
#拍片
#高音質