Скачать или смотреть ZUNGU ndiye Spika mpya wa Bunge la Tanzania, ashinda kwa kura 378

Mbunge Mteule wa Jimbo la Ilala na aliyekuwa Naibu Spika wa Bunge la 12, Mussa Azzan Zungu amechaguliwa na Wabunge Wateule wa Bunge la 13 la Tanzania kuwa Spika wa Bunge hilo.

Akitangaza matokeo ya kura hizo leo Novemba 11, 2025 Katibu wa Bunge Baraka Leonard amesema jumla ya kura zote zilizopigwa kwenye uchaguzi huo ni 383, na kumtangaza Mussa Azzan Zungu kuwa ndiye mshindi wa kiti hicho kwa kupata kura 378.

"Hivyo, mheshimiwa Mussa Azzan Zungu anachaguliwa kuwa Spika wa Bunge la Jamhuri ya Muungano wa Tanzania kwa jumla ya kura 378, matokeo hayo yamethibitishwa kwa kusaini kwa baadhi ya wagombea na wasimamizi wao,” Alisema Baraka Leonard Katibu wa Bunge la Tanzania.

Mussa Azzan Zungu anakuwa Spika wa wanne wa Bunge la Tanzania akitokea kwenye kiti cha Unaibu wa Spika kama ilivyokuwa kwa Maspika waliomtangulia akiwemo Anna Makinda, Job Ndugai na mtangulizi wake Dk Tulia Ackson.