Скачать или смотреть មួយឆ្នាំម្តង សមាគមមគ្គុទ្ទេសក៌ទេសចរណ៌អង្គរ

មួយឆ្នាំម្តង សមាគមមគ្គុទ្ទេសក៌ទេសចរណ៌អង្គរ បានធ្វើកម្មសិក្សាស្វែងយល់ ទៅកាន់តំបន់ប្រាសាទឆ្ងាយៗ ដាច់ស្រយាល ដើម្បីដកស្រង់បទពិសោធន៍ ចែករំលែក ៗការយល់ដឹង និង រៀនសូត្រពីគ្នាទៅវិញទៅមក ដើម្បីអោយវិជ្ជាជំនាញ នៃសេវាកម្ម ការជូនភ្ញៀវ រឹតតែមានភាពល្អប្រសើរឡើងជាលំដាប់។

មិនតែប៉ុណ្ណោះ ក៌ដើម្បីបង្កើតនូវភាពជិតស្នឹត ជាមិត្តភាព នឹងភាតរ: សប្បាយរីករាយជាមួយគ្នា បន្ទាប់ពីការបំពេញការងារពេញមួយរដូវកាលរួចមក។

កម្មសិក្សានេះមានសមាជិកសមាជិការ សរុប90នាក់ បានទៅស្រាវជ្រាវ តំបន់ប្រាសាទព្រះខ័នកំពង់ស្វាយ ស្រុកសង្គមថ្មី ខេត្តព្រះវិហារ ដែលតំបន់ប្រាសាទកសាងភាគច្រើននៅចុងសតវត្សទី12 ក្រោមរជ្ជកាលរបស់ព្រះបាទជ័យវរ្ម័នទី៧ បើទោះបីជាមានសំណង់ប្រាសាទខ្លះកសាងក្នុងឡើងក្នុងរជ្ជកាលព្រះបាទសុរ្យវរ្ម័នទី១ក៏ដោយចុះ។

ប្រាសាទបាកានមានវិសាលភាពធំជាងគេ ដែលជាប្រាសាទគោរពដល់សាសនាចំរុះ រវាងសាសនាព្រះពុទ្ធ និងសាសនាហិណ្ធូ ហើយក៌ជាមជ្ឈមណ្ឌលស្រាវជ្រាវផ្នែក កងទ័ព ផ្នែកវិស្វកម្ម ផ្នែកស្លដែក ផ្នែកវិជ្ជាពេទ្យ និងផ្នែកទស្សន:វិជ្ជា ផ្នែកហោរាសាស្ត្រ និងផ្នែកលសិកម្ម ជាដើម របស់បុព្វបុរសខ្មែរ សម័យអង្គរ។

ប្រាសាទស្រឡៅមានកំពូលឆ្លាក់ព្រះភ័ក្រព្រះលោកេស្វរ:ដូចប្រាសាទបាយ័នដែរដែលសង់ជាប់នឹងមាត់បារាយណ៌ជាកំពង់ទូក សំរាប់រៀបចំជាការប្រណាំងទូកង ការបណ្តែតប្រទឹប និងបុណ្យទឹកជាដើម ដែលមានប្រាសាទប្រសាទព្រះថ្លោលសង់ចំកណ្តាលកោះ។

ព្រះពុទ្ធចតុមុខដ៏ធំសង់លើកំពែងបារាយណ៌ មានកំពស់៧មមានដែលព្រះចំលាក់ព្រះពុទ្ធមួយអង្គ លោកទ្រង៉ឈរបែរព្រះភ័ក្រទៅរកទិសធំៗទាំងបួន ក្នុងទម្រង់សំដែងធម្មចក្រា ដែលជាទ្រឹស្តីផ្តល់ឱវាទ នូវជំនឿកើតចាស់ឈឹស្លាប់ជាសង្សារវដ្ត នូវ "ទុក្ខំ អន្ចិចំ អនតា"។