Şəhid atası: Oğlum sağ olanda elə bilirdim beşmərtəbəli evim var - Baku TV

Şəhid atası: "Oğlum sağ olanda elə bilirdim beşmərtəbəli evim var" - Baku TV

Sosial şəbəkələrdə gündəm olan şəhid Veyis İsmayılovun atasının görüntüləri bizi də xeyli təsirləndirdi və şəhidin evinə üz tutduq.

Qonşuların sözlərinə görə, şəhidimizin atası Əflatun kişi hər gün oğlunun şəklinin ətrafını süpürür.
Şəhid övladı ilə fəxr edən, həm də övlad həsrəti ilə yanan ata hərgün övladının dəfn olunduğu məzarlığa da gedir.

Evin sonbeşiyi olan Veyis çox böyük çətinliklərlə böyüyüb. Həm atası, həm də anası uşaqlar böyüyənə qədər hər işi görüb, hər əziyyətə qatlaşıblar.

Uzun illərdir kirayədə yaşadığı üçün elə Veyisin də ən böyük arzusu ev alıb, valideynləri ilə birgə o evdə yaşamaq olub. Şəhid ailələrinə edilən yardımdan aldıqları ödənişlə Zabrat qəsəbəsindən 2 sot torpaq ala biliblər. Amma Veyisin böyüyüb, boya-başa çatdığı doğma qəsəbədə ev tikmək arzusunu reallaşdırmağa, təəssüf ki, ailənin gücü çatmır.

Döyüşdə olan zaman da Veyisdən xəbər ala bilməyən ailə onu xəstəxanalarda axtarmaq qərarına gəlir. Bunun üçün 7 min manat sələmə pul da götürürlər. Bu axtarışlar nəticə vermir və Veyisin şəhid xəbəri gəlir. Elə ailə şəhid ailələri üçün nəzərdə tutulan ödənişin çox hissəsini də həmin borcu ödəməyə sərf edir.
Ailəsindən xəbərsiz səfərbərliyə yazılan Veyis İsmayılov Suqovuşanda gedən döyüşlərdə şəhidlik zirvəsinə ucalıb.

Zeynəb İsmayılova deyir ki, necə sağlığında oğlumla fəxr edirdimsə, indi də fəxr edirəm. Bizim oğlumuz vətən yolunda, torpaqlarımızın azadlığı uğrunda can verdi. İsmayılovlar ailəsinin tək istəyi isə bütün şəhidlərimizin şərəfinə məhəllələrində tikməyə çalışdıqları bulağı tez bir zamanda ərsəyə gətirməkdir.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
  / www.baku.tv  
  / __baku_tv__  
https://baku.tv

Kanalda bütün müəllif hüquqları qorunur.

#BakuTv #Azerbaycan #trend