Скачать или смотреть ଗୁମାଡେରା ଉଚ୍ଚ ପ୍ରାଥମିକ ବିଦ୍ୟାଳୟରେ ନୂତନ ଶ୍ରେଣୀ କୋଠା ନିର୍ମାଣ ପାଇଁ ଭୂମି ପୂଜା ଅନୁଷ୍ଠିତ।।

।।ବିଦ୍ୟାଳୟରେ ନୂତନ ଶ୍ରେଣୀ କୋଠା ନିର୍ମାଣ ପାଇଁ ଭୂମି ପୂଜା ଅନୁଷ୍ଠିତ। ଟିଆରଏଲ୍ କ୍ରୋସାକି କମ୍ପାନୀ ପକ୍ଷରୁ ୩୫ ଲକ୍ଷ ବ୍ୟୟ କରାଯିବ।।
ଝାରସୁଗୁଡ଼ା ଜିଲା ବେଲପାହାଡ଼ ସହରର ଗୁମାଡେରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ନୂତନ ଦୁଇଗୋଟି ଶ୍ରେଣୀ କୋଠା ନିର୍ମାଣ ପାଇଁ ଆଜି ଭୂମି ପୂଜନ ଅନୁଷ୍ଠିତ ହୋଇଯାଇଛି। ଏହାର ନିର୍ମାଣ କାର୍ଯ୍ୟ ପାଇଁ ଟିଆରଏଲ କ୍ରୋସାକି କମ୍ପାନୀ ପକ୍ଷରୁ ସିଏସଆର ପାଣ୍ଠି ଯୋଗେ ମୋଟ ୩୫ ଲକ୍ଷ ଟଙ୍କା ବ୍ୟୟ ଅଟକଳ ରଖାଯାଇଛି। ଯାହା ଆଗାମୀ ଦିନରେ ବିଦ୍ୟାଳୟରେ ଅଧ୍ୟୟନ କରୁଥିବା ଛାତ୍ରଛାତ୍ରୀଙ୍କ ପାଇଁ ଅନେକ ଉପାଦେୟ ହେବ। ବେଲପାହାଡ଼ ପୌର ନଗରପାଳ ନିମାଇଁ ଚରଣ ପଣ୍ଡାଙ୍କ ଅନୁରୋଧ କ୍ରମେ ଏହି କାର୍ଯ୍ୟ ସମ୍ପାଦିତ ହୋଇପାରିଥିବାରୁ ତାଙ୍କୁ ଧନ୍ୟବାଦ ଜ୍ଞାପନ କରାଯାଇଛି। ଆଜି ଅନୁଷ୍ଠିତ ଏହି ଭୂମି ପୂଜନ ସମୟରେ ମୁଖ୍ୟ ଅତିଥି ଭାବେ ଅଜୟ କୁମାର ଭ୍ରମରବର ରାଏ, ସମ୍ମାନିତ ଅତିଥି ଭାବେ ପୌର କାଉନସିଲର କହ୍ନେଇ ଚରଣ ସେଠ, ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସବ୍ୟାରାଣୀ ବିଶ୍ଵାଳ, ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷା ଦୁଶିଲା ସେଠ, ଗୁମାଡେରା ବର୍ଷୀୟାନ ନାଗରିକ ସଂଗଠନର ସଚ୍ଚିଦାନନ୍ଦ ପଣ୍ଡା, କୁଳମଣି ବଗାର, ସୁରେଶ ପ୍ରଧାନ, ଦିଲୀପ ପ୍ରଧାନ, ଗୋକୁଳାନନ୍ଦ ପ୍ରଧାନ, ଗଣେଶ ସେଠ, ଗଜେନ୍ଦ୍ର ନାଏକ, ଆନନ୍ଦ ସାହୁଙ୍କ ସମେତ କହ୍ନେୟା ଶର୍ମା, କିରଣ ମହାନ୍ତି ପ୍ରମୁଖ ଉପସ୍ଥିତ ରହିଥିଲେ। ୧୯୫୮ ମସିହାରୁ ନିର୍ମିତ ଶ୍ରେଣୀ ଗୃହ ଗୁଡ଼ିକ ବର୍ତ୍ତମାନ ପରିତ୍ୟକ୍ତ ଅବସ୍ଥାରେ ରହିଛି। ଯେଉଁଥିରେ ଛତ୍ରଛାତ୍ରୀଙ୍କ ପାଠ ପଢା ପାଇଁ ଅତି ବିପଦ ସଙ୍କୁଳ ଅବସ୍ଥା ରହିଥିଲା। ତାହାକୁ ଭାଙ୍ଗି ସେଠାରେ ନୂତନ ଶ୍ରେଣୀ ଗୃହ ଦୁଇଟି ନିର୍ମାଣ କରାଯିବା ବୋଲି ନିଷ୍ପତ୍ତି ନିଆଯାଇଛି। ଏହା ସହ ବିଦ୍ୟାଳୟର ଆହୁରି ଭିତ୍ତିଭୂମି ବିକାଶ ପାଇଁ ବିଭିନ୍ନ କାର୍ଯ୍ୟପନ୍ଥା ନିର୍ଦ୍ଧାରଣ ଓ ଏକ ପୁରାତନ ଛାତ୍ର ସଂସଦ ଗଠନ କରିବାକୁ ଆଲୋଚନା କରାଯାଇଛି।