福音粵曲 - 半生緣 (曲寄: 秋江哭別) 純音樂

視像編輯: 嘉桉
填詞: 何柏岐
男: 嗟嘆息往事如殘夢 百劫寒儒愁懷垂淚控
一生嘆未有奇逢 唉 蒼天作弄 一生坎坷真冇用
孤身落泊飄零隻影空
女: 勸君莫自愁懷弄 俗世塵凡誰人無苦痛呀
請君你暫停怒氣容 須知天生必有用 請君多珍重
它朝定會風雲萬里沖
男: 謝妳關心 此刻更悲慟 夜月雲霧蓋 孤身隻影
未見星空
白: 枉我空懷大志 嘆息無人欣賞呀 富貴難求
所得既係一身既病痛 可嘆造物弄人 難怪我
怨天長嘆呀
女白: 聖經有云: 日光之下無新事 你今日既遭遇
無非係前人既寫照者 你又可必耿耿於懷呢
唱: 讚你無謂記 雖知遠古皆皆是
應打開心扉切莫再悲 請君你相信基督
佢可以幫你解開世上困憂 永生賜下恩深義更深
盼君今接受 神大愛 相親相偎萬世相牽到蓬萊
男白: 乜你地所信既神 真係咁巴閉既咩 咁係唔係
如果我信咗佢 佢就會保佑我 一帆風順
大富大貴 無病無痛架
女白: 咁你就錯啦
唱: 你莫再回頭望 耶穌能夠相幫 你今後莫再沉痛
沉痛不安 塵寰俗世 苦痛一呀生皆因為了名和利
轉眼像煙雲霧散呀
白: 富貴如煙 又何必強求呢 信耶穌並唔係要滿足
你既慾望 係靠著神既恩典與神和好 讓神既慈愛
永留人間呀
唱: 你要捨棄浮名 謝神大愛 佢垂憐十架情義永
肩擔世間苦楚甘喪命 感激救主萬世恩傾
男: 我好比似酒醉醒 讓我苦惱拋開往事掃清
有主引導半生夢已醒 我今得主潔淨
女: 神大愛 恩典一生並賜天家與君共訂情
男白: 我雖然半生枉過 但主耶穌將我從絕望中
拯救過黎 而家我如釋重負 信佐耶穌
真係好得無比呀
唱: 我要一生讚頌佢名
女白: 咁就好啦
唱: 基督隆情 天家早已定
合: 宣告世上有主恩傾!唱頌讚詠 賜君永生盼望
隆情重認 萬世千秋銘感上帝情