Скачать или смотреть નસવાડી : ઘેરૈયાઓ એ પરંપરાગત નૃત્ય અને નાચગાન વચ્ચે ઘેર ઉઘરાવી મનાવ્યો હોળીનો તહેવાર.

છોટાઉદેપુર જિલ્લામાં હાલ ધૂરેટીનો પર્વ ધામધૂમથી ઉજવાઈ રહ્યો છે. ખાસ કરીને છોટાઉદેપુર જિલ્લો આદિવાસી બહુલ્ય વિસ્તાર હોવાથી અહીં હોળી-ધૂરેટીનું વિશેષ મહત્વ છે. ગેરનો મેળો અને ભાંગુરિયાનો મેળો પર્વને વધુ રંગીન બનાવી રહ્યા છે. આસપાસના અનેક ફળિયા અને ગામોમાં મેળાની ધૂમ મચી છે અને લોકો ઉત્સાહભેર ઉજવણીમાં જોડાઈ રહ્યા છે.
આ અવસરે આદિવાસી સમાજના યુવાનો પરંપરાગત વેશભૂષા ધારણ કરી ગેરિયા તરીકે ગામેગામે પહોંચી રહ્યા છે. ઢોલ-નગારાના તાલે પરંપરાગત આદિવાસી નૃત્ય રજૂ કરીને તેઓ પર્વને જીવંત બનાવી રહ્યા છે.
આજ રોજ નસવાડી ખાતે પણ ગેરિયાઓના આગમન સાથે ઉત્સવમય માહોલ સર્જાયો હતો. વર્ષો જૂની પરંપરા અનુસાર પરંપરાગત વસ્ત્રો, શણગાર અને લોકવાદ્યો સાથે રજૂ કરાયેલા આદિવાસી નૃત્યે લોકોને મંત્રમુગ્ધ કરી દીધા હતા. રંગ-ગુલાલ અને ઉત્સાહભેર ઉજવણી વચ્ચે સમગ્ર વિસ્તાર પર્વના રંગમાં રંગાઈ ગયો હતો.
#chotaudepur #gujaratinews #team_jagrut #nasvadi #હોળી #ઘેરૈયા #આદિવાસી #ટીમલી