Скачать или смотреть Tum Sirf Meri Ho complete novel by Zaroon Ali / Kidnapping/Hate to love/Rude Hero/Urdu Novels Ebook

Missing Audio of above novel last part is as below.

پر پھر بھی تم زین کو میری نظروں میں اچھا نہیں بنا سکے کیوں کہ وہ بے شک تم بھی تھے پر تھے تو نامحرم اور اللہ نے مجھے اُسی بات کی سزا عالیان کی شکل میں دی میں تب سے اب تک اپنے دل میں یہ کسک لیے بیٹھی ہوں کہ کاش میں اُس سے بات نہ کرتی تو میرے ساتھ ایسا نہ ہوتا“،اپنا ہاتھ آہستگی سے اُس کے ہاتھ کے نیچے سے نکالتے نور نے گہری سانس لیتے خود کو پرسکون کیا۔۔۔۔۔
”عالیان نے بس میری دوستی کا، میرے یقین کا فائدہ اٹھایا“، ٹھیک کہتی ہیں دی جان کبھی کسی کو اپنے دل کے راز سے آگاہ نہ کرو کیوں کہ جب انسان کسی کو اپنے دل کے راز سے آگاہ کردیتا ہے تو وہ اُس کی مٹھی میں قید ہونے لگتا ہے جیسے میں ہوا میں نے اپنی اور تمہاری ہر بات عالیان کو بتائی مطلب میں تم سے بات کرتا ہوں یہ سب عالیان کو پتا تھا تب ہی اُس نے ان سب سے فائدہ اُٹھاتے تمہیں تکلیف دی کیوں کہ وہ جانتا تھا کہ تم میرے لیے سب سے قیمتی ہو“، پھر سے اُس کا ہاتھ اپنے ہاتھ میں لیتے وہ اُس کے سامنے زمین پر بیٹھ چکا تھا جو آنسو ضبط کرنے کی کوشش میں ہلکان ہو رہی تھی۔۔۔
”تم نے یہ بات مجھے تب کیوں نہیں بتائی جب عالیان نے زین ہونے سے انکار کیا تھا؟؟؟؟“پلکیں اُٹھائے اُس نے اپنے دل میں اُٹھنے والے طوفان کو روکا جو یہ راز جاننے کے بعد بہنے کے لیے تیار تھا۔۔۔۔
”تب موقع نہیں تھا ایسی باتوں کا اور تمہیں پتا ہے اُس دن تمہاری اسی بات کی وجہ سے عالیان پھنسا تھا اگر تم یہ بات نہ کرتی تو شاید میں اُس پہ اعتبار کر لیتا پر دیکھو میرا تمہیں یہ سب نہ بتانا ہمارے کام آگیا وہ کہتے ہیں نا ہر بات اور کام کے پیچھے اللہ کی مصلحت ہوتی ہے اور اس کے پیچھے بھی تھی تب ہی جب تم نے آخری میسج کیا کہ تم اب مجھ سے بات نہیں کرو گی کیوں کہ تم اپنے شوہر کو دھوکہ نہیں دے سکتی قسم سے دل کیا فورا جا کر تمہیں بتا دوں تمہارا دل ہلکا کر دوں پر پتا نہیں کس چیز نے مجھے روکا میں کیوں تمہیں بتا نہیں پایا“،نم آنکھوں سے مسکراتے اُس نے نور کو دیکھا جس کا ضبط جواب دے چکا تھا اک گناہ کا احساس کے وہ عالیان تھا اُس سے بات کرنے کی وجہ سے یہ سب ہوا اُس کے دل سے دھل چکا تھا۔۔۔۔۔
”قسم سے مجھے نہیں پتا تھا کہ تم اتنی نادان ہو کہ میرے اتنے ثبوت چھوڑنے کے باوجود بھی نہیں سمجھی کہ میں ہی زین ہوں۔ اس دن یونی میں تمہیں میسج کیا کہ کہاں ہو تم نے کہا یونیورسٹی ہوں اور اُس کے فورا بعد میرا آنا نکاح کرنا تمہیں سمجھ نہیں آیا تھا کیا؟؟اور جب تم زین سے بات کر رہی تھی اُسی وقت میرا وہاں آنا تمہیں تب بھی سمجھ نہیں آیا؟؟ اُفف اللہ کس بے وقوف کے پلے باندھ دیا مجھے“،سر دونوں ہاتھوں میں لیتے اُس نے نور کو بہت سی باتوں سے آگاہ کیا جو اُس کے سامنے ہونے کے باوجود بھی اُسے سمجھ نہیں آئی تھیں۔۔۔۔
”ہوننہہ میں نے بس ایک بار تمہاری فون پہ آواز سنی تھی مجھے کیا پتا تھا کہ تم زین ہو اور عالیان نے جب کہا تو مجھے یقین آگیا“، آنکھوں کو ہاتھ کی پشت سے رگڑتے اُس نے جواب دیا تو زارون نے ہاتھ اپنے سر پر مارا۔۔۔۔
”نور میری جان پتا مسئلہ کیا ہے؟؟“زارون نے سوالیہ نظروں سے اُسے دیکھا۔۔۔۔
”کیا؟؟“
”یہی کہ باتوں کو سمجھنے کے لیے دماغ کی ضرورت ہے جو تمہارے پاس ہے نہیں اور میری جان بعض دفعہ کہانی کے کردار جو ہمیں دکھائے جاتے ہیں یا نظر آتے ہیں وہ ویسے نہیں ہوتے کیوں کہ لکھنے والا ہمارے دماغ سے کھیلتا ہے وہ اُس کردار کو ہمیشہ پردے میں رکھتا ہے جو سب سے اہم ہوتا ہے اور زین کا کردار سب سے اہم تھا جس نے اپنی منزل پرپہنچ کر ہی تمہارے سامنے آنا تھا تو بس دیکھو میں تمہارے سامنے ہوں اب جو سزا دینی ہے دے دو“،اُس کے قریب بیٹھتے زارون نے آنکھوں میں چمک لیے کہا تو نور نے کچھ کہنے کی بجائے اُس کے سینے سے سر ٹکایا۔۔۔۔۔
”تم صرف میری ہو،بس زارون علی کی نور کا نام اس دنیا میں بھی میرے نام کے ساتھ آئے گا اور آخرت میں بھی“،اُسے اپنے حصار میں لیتے زارون نے محبت سے چُور لہجے میں کہا تو نور نے سر اُٹھاتے اُس کی پیشانی پر اپنے لب رکھے تو زارون نے اُسے اپنے حصارمیں لیا۔۔۔۔۔
”میں نے یہ کہا تھا کہ یہ آنسو تمہیں اور خوبصورت بنا دیتے ہیں پر مجھے نہیں پتا تھا کہ تم میری بات کو اتنا سریس لے لو گی“ ،ہونٹ اُس کی آنکھوں میں رکھتے زارون نے شکوہ کیا تو نور نے مسکراتے ہوئے اُس کی آنکھوں میں دیکھا جہاں بس محبت ہی محبت تھی۔۔۔۔۔
ختم شد

Summary
یہ کہانی "زارون علی" اور "نور العین" کے گرد گھومتی ہے۔ زارون، جو کہ ایک بااثر اور جنونی قسم کی محبت کرنے والا نوجوان ہے، نور کو اپنے بچپن سے پسند کرتا ہے۔ کہانی کا آغاز نور کی یونیورسٹی زندگی سے ہوتا ہے جہاں زارون اسے حاصل کرنے کے لیے ہر حد پار کر دیتا ہے۔ وہ اسے اغوا کر کے ایک اپارٹمنٹ میں قید کر لیتا ہے، جہاں ان کے درمیان تلخیاں اور نفرت پر مبنی جملوں کا تبادلہ ہوتا رہتا ہے۔ زارون کا رویہ شروع میں انتہائی سخت اور "روڈ" ہوتا ہے، لیکن وہ نور کے معاملے میں بہت زیادہ پوزیسو (Possessive) ہے۔ کہانی میں تجسس اس وقت بڑھتا ہے جب "زین" نامی ایک منفی کردار سامنے آتا ہے جو نور کو نقصان پہنچانے کی کوشش کرتا ہے، لیکن آخر میں انکشاف ہوتا ہے کہ زین اور زارون کے درمیان گہرا تعلق تھا اور یہ سب ایک سوچی سمجھی منصوبہ بندی کا حصہ تھا۔ مختلف آزمائشوں اور حادثات کے بعد، نور کو زارون کی محبت کی شدت کا احساس ہوتا ہے اور وہ اسے اپنا لیتی ہے۔



Romantic Novel (رومانوی ناول)

Very Romantic Novel (انتہائی رومانوی / جنونی محبت)

Suspense based novel (تجسس پر مبنی ناول)

Rude Hero (سخت مزاج ہیرو)

University based (یونیورسٹی کی زندگی سے آغاز)

Hate to love story (نفرت سے محبت کا سفر)

Forced Marriage (زبردستی کا رشتہ / نکاح)

After Marriage (شادی/نکاح کے بعد کے حالات)

Happy Ending novel (خوشگوار اختتام)

Kidnapping based novel (اغوا پر مبنی - زارون کا نور کو قید کرنا)