Paris2024 Olimpiyadasi Oltin medal sohibi uyida munosib kutib olindi!

#Paris2024
#Uzb_Fergana_region
#Lazizbek_Mullajonov
#Far_tuman_YOSHLARI
Olimp cho'qqisini zabt etgan chempion mubosib kutib olindi.

Fransiyaning Parij shahrida bo'lib o'tgan XXXIII yozgi Olimpiyada o'yinlari "Yangi O'zbekistonning Yangi g'alabalari!" ga boy natijalar bilan yakunlandi.

Parijdagi Olimpiyada o'yinlarining boks musobaqasida muvaffaqqiyatli ishtirok etib, yakunda "OLTIN MEDAL" sohibiga aylangan Lazizbek Mullajonov bugun tantanali tarzda kutib olindi.

Lazizbek tug'ilib o'sgan Farg'ona tumani Log'on qishlog'idagi xonadon uning yaqinlari, do'stlari, katta-kichik yoshdagi sport ixlosmandlari, mahalla ahli bilan to'lib toshdi.

Tuman hokimi Xamidullo Inomov va sektor rahbarlari chempionni olqishlar ekan, uni kamolga yetkazgan, sport bilan muntazam shug'ullanishiga munosib shart-sharoit yaratib bergan ota-onasiga chuqur minnatdorchilik bildirdi. Olimpiya chempioni chiqqan Log'on qishlog'i yoshlari uchun zamonaviy sport zali qurilishiga va'da berdi. Buning ortidan juda ko'plab Lazizbek kabi chempionlar yetishishiga poydevor bo'ladi.

Lazizbekning otasi Xasanboyaka o'z so'zida - "Avvalo, Yoshlarga keng imkoniyatlar yaratib bergan muxtaram Prezidentimizga tashakkur bildiraman. Final bellashuvida dalda bo'lib yonimda turgan viloyatimiz va tuman hokimlaridan, butun xalqimizdan minnatdorman. Lazizbekning ustozlariga mingdan-ming rahmat aytaman" - deb ta'kidladi.

Kecha yurtimizga qaytib kelgan Parij qahramonlari tantanali ravishda kutib olinib, sovrindorlarga Prezident sovg'alari berildi. Xususan, Oltin medal sohibi bo'lgan Lazizbek Mullajonov 200 ming AQSH dollari, "Tahoe" avtomobili hamda 2 qavatli kottej bilan taqdirlandi. Lazizbek tug'ilib o'sgan qishloqda qurilajak Sport zali tuman hokimligining log'onliklarga munosib sovg'asi bo'ldi.